Honey Trap IPL 2026 : ఐపీఎల్ 2026లో రాజస్థాన్ రాయల్స్, గుజరాత్ టైటాన్స్ మధ్య జరిగిన మ్యాచ్లో ఒక అరుదైన, అనూహ్యమైన సంఘటన చోటుచేసుకుంది. రాజస్థాన్ ప్రధాన వేగవత్తమైన బౌలర్ జోఫ్రా ఆర్చర్ ఒకే ఓవర్లో ఏకంగా 11 బంతులు వేసి చరిత్రలో లేని విధంగా విమర్శల పాలయ్యాడు. ఈ వైఫల్యంపై సోషల్ మీడియాలో అభిమానులు తీవ్రస్థాయిలో విరుచుకుపడుతున్నారు. జైపూర్లోని సవాయ్ మాన్ సింగ్ స్టేడియంలో జరిగిన ఈ మ్యాచ్లో టాస్ గెలిచిన రాజస్థాన్ రాయల్స్ ముందుగా బౌలింగ్ ఎంచుకుంది. రెగ్యులర్ కెప్టెన్ రియాన్ పరాగ్ గాయంతో దూరం కావడంతో యశస్వి జైస్వాల్ జట్టు బాధ్యతలు చేపట్టాడు. జైస్వాల్ నమ్మకంతో బంతిని ఆర్చర్కు అందించగా, అది పెద్ద విపత్తుగా మారింది. ఆర్చర్ ఆ ఓవర్లో ఒక నో బాల్, మూడు వైడ్లు, ఫోర్ వెళ్ళిన మరో వైడ్ బాల్తో సహా మొత్తం 11 బంతులు వేశాడు. కేవలం ఒక్క ఓవర్లోనే 18 పరుగులు సమర్పించుకోవడంతో రాజస్థాన్ లయ దెబ్బతింది.
ఐపీఎల్ చరిత్రలో చెత్త రికార్డు నమోదు
ఆర్చర్ వేసిన ఈ 11 బంతుల ఓవర్ ఐపీఎల్ చరిత్రలో అత్యంత సుదీర్ఘమైన ఓవర్ రికార్డును సమం చేసింది. గతంలో మొహమ్మద్ సిరాజ్, తుషార్ దేశ్పాండే, శార్దూల్ ఠాకూర్, సందీప్ శర్మ, హార్దిక్ పాండ్యా, అర్ష్దీప్ సింగ్ కూడా ఇటువంటి 11 బంతుల ఓవర్లు వేసిన జాబితాలో ఉన్నారు. ఆర్చర్ పదేపదే లెగ్ సైడ్ వైడ్లు వేయడం చూసి డగౌట్లో ఉన్న రియాన్ పరాగ్ కూడా తీవ్ర ఆందోళన చెందడం కెమెరాల్లో స్పష్టంగా కనిపించింది.
ఫిక్సింగ్ ఆరోపణలు
ఈ అసాధారణ బౌలింగ్ను చూసిన అభిమానులు సోషల్ మీడియాలో ఆర్చర్పై తీవ్ర ఆరోపణలు చేస్తున్నారు. ప్రస్తుతం ఐపీఎల్ 2026 సీజన్లో ఆటగాళ్లు బుకీల ద్వారా హనీట్రాప్కు గురవుతున్నారనే వార్తల నేపథ్యంలో, ఆర్చర్ కావాలనే ఇలా బౌలింగ్ చేశాడని పలువురు నెటిజన్లు ఆరోపిస్తున్నారు. ఆర్చర్ తిరిగి బుకీల వలలో పడ్డాడు అంటూ కొందరు ఘాటుగా స్పందిస్తుండగా, యశస్వి జైస్వాల్ కెప్టెన్సీ కెరీర్ను ఆర్చర్ తన బౌలింగ్తో దెబ్బతీశాడని మరికొందరు అభిప్రాయపడ్డారు.
– A huge no ball
– 5 runs on a single wide
– Another 3 wides
– Jofra Archer conceded 18 runs in the first overSeems like the recent IPL controversy about honey traps and girlfriend culture might actually be real man. There is seriously something wrong going on in this IPL. pic.twitter.com/gSiJoyD9qz
— TEJASH (@Tejashyyyyy) May 9, 2026
Bookie archer is back I am 100 percent sure https://t.co/DWvcZ35edz
— Shubham05 (@SHUBHAMDEVIL6) May 9, 2026
బీసీసీఐ కఠిన నిబంధనలు
ఆటగాళ్లపై వస్తున్న ఈ హనీట్రాప్ ఆరోపణల నేపథ్యంలో బీసీసీఐ ఇప్పటికే అప్రమత్తమైంది. లీగ్ సమగ్రతను కాపాడేందుకు 8 పేజీల కొత్త మార్గదర్శకాలను విడుదల చేసింది. టీమ్ మేనేజర్ అనుమతి లేకుండా హోటల్ గదుల్లోకి అపరిచితులు రాకుండా నిషేధం విధించింది. ఆటగాళ్లు వ్యక్తిగత పనుల మీద బయటకు వెళ్లేటప్పుడు కూడా భద్రతా సిబ్బందికి సమాచారం ఇవ్వాలని ఆదేశించింది. ఆర్చర్ తాజా ప్రదర్శన ఈ వివాదానికి మరింత ఆజ్యం పోసినట్లయింది.