Virat Kohli New Tattoo: ఐపీఎల్ 2026 (IPL 2026) మార్చి 28 నుంచి ప్రారంభం కానుంది. బెంగళూరులోని చిన్నస్వామి స్టేడియంలో సన్ రైజర్స్ హైదరాబాద్తో జరిగే తొలి మ్యాచ్లో విరాట్ కోహ్లీ బరిలోకి దిగనున్నాడు. ఈ మెగా టోర్నీకి ముందు ఆయన ‘ఏలియన్స్ టాటూ ఇండియా’లో తన ఎడమ చేతిపై ఉన్న పాత టాటూలను మార్చి, ఒక సంపూర్ణమైన ఫుల్ స్లీవ్ డిజైన్ను వేయించుకున్నాడు. దీనికి సంబంధించిన వీడియోను సదరు టాటూ స్టూడియో ఇన్స్టాగ్రామ్లో షేర్ చేయగా, అది నిమిషాల్లోనే లక్షలాది వ్యూస్ సాధించింది.
కోహ్లీ జీవిత ప్రయాణానికి ప్రతిరూపం.. ఈ కొత్త టాటూ!
ఈ టాటూ కేవలం ఒక డిజైన్ మాత్రమే కాదు, ఇది కోహ్లీ వ్యక్తిగత, వృత్తిపరమైన పరివర్తనకు నిదర్శనమని ఏలియన్స్ టాటూ సంస్థ తెలిపింది. విరాట్ కోహ్లీ గత కొన్ని ఏళ్లలో ఒక వ్యక్తిగా ఎలా మారాడు, ఆయన క్రమశిక్షణ, ఏకాగ్రత, అచంచలమైన నమ్మకం ద్వారా పాత స్వభావాన్ని వదిలి కొత్త శిఖరాలను ఎలా అధిరోహించాడు అనే అంశాలను ఈ టాటూ ప్రతిబింబిస్తుంది.
View this post on Instagram
గతంలో కోహ్లీ ఎడమ చేతిపై వివిధ దశల్లో వేయించుకున్న విడివిడి టాటూలు ఉండేవి. కాలక్రమేణా అవి కొంత అస్పష్టంగా మారాయి. ఇప్పుడు వాటన్నింటినీ ఒకే థీమ్తో కలిపి, పాతవాటిని మెరుగుపరుస్తూ ఒక అర్థవంతమైన కళాఖండంగా మార్చారు. కొన్ని పాత గుర్తులను కవర్ చేస్తూ, మరికొన్నింటిని మరింత స్పష్టంగా తీర్చిదిద్దారు. ఇది ఆయన జీవితంలో ఎదురైన ఒడిదొడుకులు, సాధించిన విజయాలు, భవిష్యత్తు వైపు సాగుతున్న ప్రయాణాన్ని సూచిస్తుంది.
కోహ్లీకి టాటూలంటే ఎంతో ఇష్టం. ఇప్పటికే ఆయన శరీరంపై దేవుడు, తల్లిదండ్రుల పేర్లు, జ్యోతిష్య సంబంధిత గుర్తులు ఉన్నాయి. ఇప్పుడు ఈ కొత్త ఫుల్ స్లీవ్ టాటూ ఆయన వ్యక్తిత్వానికి మరింత నిండుదనాన్ని ఇచ్చింది. కొత్త ఉత్సాహంతో, కొత్త లుక్తో కోహ్లీ ఈసారి ఆర్సీబీకి తొలి టైటిల్ అందిస్తారని అభిమానులు ఆశిస్తున్నారు.
మరిన్ని క్రీడా వార్తల కోసం ఇక్కడ క్లిక్ చేయండి..