పల్లీలు: వేరుశెనగల్లో ప్రోటీన్, ఫైబర్ పుష్కలంగా ఉంటాయి. ఇవి కడుపును ఎక్కువసేపు నిండుగా ఉంచి తరచుగా ఆకలి వేయకుండా చూస్తాయి. USDA డేటా ప్రకారం..50 గ్రాములలో సుమారు 280 కేలరీలు ఉంటాయి. 100 గ్రాములలో 567 కేలరీలు, 25.8 గ్రాముల ప్రోటీన్, 8.5 గ్రాముల ఫైబర్ ఉంటాయి. ప్రోటీన్ విషయంలో వేరుశెనగలు చాలా ముందున్నాయి. కానీ వీటిలో కేలరీలు, కొవ్వు శాతం కాస్త ఎక్కువగా ఉండటం వల్ల బరువు తగ్గాలనుకునే వారు వీటిని కొద్ది మొత్తంలోనే తీసుకోవాల్సి ఉంటుంది.
మఖానా అద్భుతం:మఖానా బరువు తగ్గడానికి ఒక అద్భుతమైన ఆప్షన్. ఎందుకంటే ఇది కడుపును తేలికగా ఉంచుతూనే శరీరానికి అవసరమైన పోషకాలను అందిస్తుంది. 50 గ్రాములలో కేవలం 170 కేలరీలు మాత్రమే ఉంటాయి. 100 గ్రాములలో సుమారు 347 నుండి 356 కేలరీలు, 10 గ్రాముల ప్రోటీన్ ఉంటాయి. కేలరీలు తక్కువగా ఉండటమే కాకుండా మఖానాలో విటమిన్ ఎ, మెగ్నీషియం, ఐరన్, ఫైబర్ వంటి అవసరమైన ఖనిజాలు పుష్కలంగా ఉన్నాయి.
వెయిట్ లాస్ రేసులో ఏది బెస్ట్: ఇక్కడ అసలైన మ్యాటర్ ఏంటంటే.. వేరుశెనగతో పోలిస్తే మఖానాలో కేలరీలు చాలా తక్కువ. 100 గ్రాముల మఖానాలో కేవలం 356 కేలరీలు ఉంటే, అదే 100 గ్రాముల వేరుశెనగల్లో ఏకంగా 567 కేలరీలు ఉంటాయి. కాబట్టి త్వరగా బరువు తగ్గడం, కేలరీలను గట్టిగా నియంత్రించడం మీ ప్రధాన లక్ష్యం అయితే.. స్నాక్స్ రూపంలో వేరుశెనగ కంటే మఖానా తినడం చాలా ఎక్కువ ప్రయోజనకరంగా ఉంటుంది.
సులభమైన రెసిపీలు: మీరు ఈ రెండింటి ప్రయోజనాలను ఒకేసారి పొందాలనుకుంటే ఈ హెల్తీ కాంబినేషన్స్ ట్రై చేయవచ్చు. ఒకటిన్నర కప్పుల మఖానా, ఒక పెద్ద చెంచా వేరుశెనగలను నూనె లేదా నెయ్యి లేకుండా 5 నిమిషాల పాటు డ్రై రోస్ట్ చేయండి. అందులో అర కప్పు తరిగిన దోసకాయ, టమోటా, 1/2 కప్పు దానిమ్మ గింజలు, ఒక చెంచా నిమ్మరసం, కొద్దిగా ఉల్లికాడలు, చాట్ మసాలా వేసి కలపండి. ఈ టేస్టీ స్నాక్ 150 క్యాలరీల కంటే తక్కువ ఎనర్జీతో మీకు పుష్కలంగా ప్రోటీన్, ఫైబర్ అందిస్తుంది.
వేయించిన మఖానా-నట్స్ మిశ్రమం: ఒక బౌల్లో ఒక చిన్న చెంచా దేశీ నెయ్యి వేసి, రెండు కప్పుల మఖానా, అర కప్పు మిశ్రమ నట్స్, కొన్ని వేపాకులను వేసి బాగా వేయించండి. పైన కొద్దిగా చాట్ మసాలా, కొత్తిమీర, కారం పొడి చల్లుకోండి. ఈ మిశ్రమం బాడీలో కొలెస్ట్రాల్ను నియంత్రించడానికి, రోజంతా మిమ్మల్ని ఎనర్జిటిక్గా ఉంచడానికి బెస్ట్ ఆప్షన్. ప్రతి ఉదయం లేదా సాయంత్రం స్నాక్స్గా దీన్ని 1/2 కప్పు తీసుకోవచ్చు.