కన్నబిడ్డ కోసం అహర్నిశలు శ్రమిస్తున్న ఒక తండ్రి నిస్సహాయత, అచంచలమైన పోరాట పటిమకు సంబంధించిన హృదయవిదారక కథ సోషల్ మీడియాను కదిలిస్తోంది. ఢిల్లీ-ఎన్సిఆర్కు చెందిన ఒక రాపిడో బైక్ రైడర్ రోజువారీ జీవితమే ఇందుకు నిదర్శనం. ఆఫీసులో పని కాస్త ఎక్కువైతేనే అలిసిపోయే నేటి కాలంలో, గత 8 నెలలుగా కేవలం ఐదు గంటల నిద్రతోనే గడుపుతూ తన దివ్యాంగ బిడ్డ చికిత్స కోసం ఈ తండ్రి చేస్తున్న పోరాటం అందరి కళ్లలో నీళ్లు తెప్పిస్తోంది.
శిఖర్ అనే సోషల్ మీడియా యూజర్ రాపిడో బైక్ బుక్ చేసుకున్నప్పుడు ఈ కథ వెలుగులోకి వచ్చింది. రైడర్ వేగం చూసి శిఖర్ కారణం అడగ్గా.. తాను కూడా ఆఫీసుకు సమయానికి వెళ్లాలని సదరు రైడర్ బదులిచ్చాడు. ఆ మాట వెనుక ఉన్న కఠోర నిజం విన్న శిఖర్ నివ్వెరపోయాడు. అతను ఒక ప్రైవేట్ కంపెనీలో నెలకు రూ. 20,000 జీతానికి పని చేస్తున్నాడు. భార్య, ముగ్గురు పిల్లలు ఉన్న అతని కుటుంబంలో, ఒక బిడ్డ పుట్టుకతోనే దివ్యాంగుడు. ఆ బిడ్డ మందులు, చికిత్స కోసమే నెలకు రూ. 10,000 ఖర్చవుతుంది. అంటే జీతంలో సగం భాగం ఆసుపత్రికే సరిపోతోంది.
ఈ అదనపు ఖర్చులను తట్టుకోవడానికి అతను ఎంచుకున్న మార్గమే ఈ రాపిడో రైడింగ్. అతని రోజువారీ దినచర్య వింటే ఒళ్ళు గగుర్పొడుస్తుంది. ఉదయం 6 గంటలకే బైక్ వేసుకుని రోడ్డుపైకి వచ్చే అతను 9 గంటల వరకు రాపిడో నడుపుతాడు. ఆ వెంటనే 10 గంటల నుండి సాయంత్రం 6:30 వరకు ఆఫీసు ఉద్యోగం చేస్తాడు. డ్యూటీ కాగానే విశ్రాంతి తీసుకోకుండా, రాత్రి 11 గంటల వరకు మళ్లీ రాపిడో రైడర్గా మారి ప్రయాణికులను గమ్యస్థానాలకు చేరుస్తాడు. ఇన్ని కష్టాల మధ్య ఎప్పుడు నిద్రపోతారని అడగ్గా.. “గత 8 నెలలుగా 5 గంటల కంటే ఎక్కువ నిద్రపోలేదు, అంతా దేవుడి ఇష్టం” అని చిరునవ్వుతో సమాధానమిచ్చాడు.
ఎలాంటి ఆవేదన, ఫిర్యాదులు లేకుండా కుటుంబం కోసం పోరాడుతున్న ఈ ‘రియల్ హీరో’ కథ ఇంటర్నెట్లో వైరల్గా మారింది. నెటిజన్లు అతని నిబద్ధతకు చేతులెత్తి మొక్కుతున్నారు. భార్యాపిల్లల కోసం అతను పడుతున్న ఈ తపన ఏ ప్రార్థన కంటే తక్కువ కాదంటూ కామెంట్లు పెడుతున్నారు.
life humbled me again today
i usually take the metro to work but this morning i was running late so i booked a rapido
the rider reached in 2 minutes
i was not able to find my room keys so it took me another 5 minutes to get downstairs. in those 5 minutes he called me 3 times… pic.twitter.com/aMFp0hOg5S
— Shikhar (@shekhu04) July 1, 2026
మరిన్ని ట్రెండింగ్ వార్తల కోసం ఇక్కడ క్లిక్ చేయండి..