ఈ వంటకానికి కావలసిన పదార్థాలు మన వంటింట్లో సులభంగా దొరికేవే. పెద్ద పచ్చిమిర్చిలు, శనగపప్పు, ధనియాలు, నువ్వులు, జీలకర్ర, ఉల్లిపాయలు, వెల్లుల్లి రెబ్బలు, కొబ్బరి తురుము, చింతపండు రసం, కొద్దిగా బెల్లం మరియు నూనె ఉంటే సరిపోతుంది. మొదటగా తక్కువ కారం ఉండే పెద్ద లైట్ గ్రీన్ పచ్చిమిర్చిలను ఎంచుకుని, శుభ్రంగా కడిగి తడి లేకుండా తుడవాలి. ఆ తర్వాత ప్రతి మిర్చికి మధ్యలో పొడవుగా చీలిక (గాటు) పెట్టాలి. ఒకవేళ కారం ఎక్కువగా వద్దు అనుకుంటే లోపల ఉండే గింజలను కొంతవరకు తీసేయవచ్చు.