Gold, Silver Prices: పండగ సీజన్‌లో వెండి ధరలు కుప్పకూలుతున్నాయి. ఒకప్పుడు రికార్డు స్థాయిలో అంటే రూ.4 లక్షల వరకు వెళ్లిన ధరలు.. ఇప్పుడు సగం వరకు దిగి రావడం కొనుగోలుదారులకు భారీ ఊరటనేనని చెప్పాలి. శుక్రవారం కమోడిటీ మార్కెట్‌లో బంగారం, వెండి ధరలు భారీగా పడిపోయాయి. వెండి ధర అకస్మాత్తుగా 10,000 రూపాయలకు పైగా పడిపోగా, బంగారం ధరలు కూడా 4,000 రూపాయలకు పైగా తగ్గాయి. బంగారం, వెండి ధరలలో ఈ గణనీయమైన తగ్గుదలకు లాభాల స్వీకరణే కారణమని భావిస్తున్నారు.
రాత్రి 8 గంటలకు, MCXలో డిసెంబర్ ఫ్యూచర్స్ వెండి ధర కిలోకు రూ. 10,000 (సుమారు 5 శాతం) తగ్గి రూ. 1.79 లక్షలకు పడిపోయింది. బంగారం ధరలు 3 శాతం లేదా రూ. 4,200 తగ్గి రూ. 1,38,250కి చేరాయి. అంతర్జాతీయ మార్కెట్‌లో బంగారం, వెండి ధరలు కూడా గణనీయంగా తగ్గాయి. బంగారం ధర 2.79 శాతం పడిపోయి ఔన్సుకు $3,921.32కు చేరగా, వెండి ధర 5.12 శాతం పడిపోయి ఔన్సుకు $49.70 వద్ద ట్రేడ్ అయింది .
అయితే దేశీయంగా వెండి ధరల విషయానికొస్తే.. ఈ నెల 10వ తేదీ కిలో వెండి రూ.2,40,000 వద్ద ఉండగా, తాజాగా అంటే అక్టోబర్‌ 30న రూ.2.10,000లకు పడిపోయింది. అంటే కేవలం ఇరవై రోజుల్లోనే ఏకంగా 30 వేల రూపాయల వరకు దిగి వచ్చింది.
బంగారం, వెండి ధరలు ఎందుకు పడిపోయాయి?
రాత్రికి రాత్రే బంగారం, వెండి ధరలు తీవ్రంగా పడిపోయాయి. ఈ తగ్గుదల గణనీయమైన లాభాల స్వీకరణను సూచిస్తుంది. అయితే, అంతకుముందు, అమెరికా జీడీపీ మరియు ద్రవ్యోల్బణ గణాంకాలు అంచనాల కంటే మెరుగ్గా ఉండటం, బంగారం, వెండి ధరలపై గణనీయమైన ప్రభావాన్ని చూపి, వాటి తగ్గుదలకు దారితీసింది. బలమైన జీడీపీ గణాంకాలు, నిరంతర ద్రవ్యోల్బణం కారణంగా, యూఎస్ ఫెడరల్ రిజర్వ్ వడ్డీ రేట్లను మరింత కఠినతరం చేయవచ్చనే అంచనాలు వెలువడుతున్నాయి. అధిక వడ్డీ రేట్లు పెట్టుబడిదారులను బంగారం, వెండి నుండి ఇతర రంగాలలో పెట్టుబడులు పెట్టేలా ప్రోత్సహిస్తున్నాయి.
ఇవి కూడా చదవండి:
Auto News: బంపర్‌ ఆఫర్‌.. ఈ కారు ధర ఏకంగా రూ.34 లక్షల వరకు తగ్గింది.. భారత్‌లోనే తయారీ..!
Jio Plan: రూ.123కే జియో రీఛార్జ్‌ప్లాన్‌.. 28 రోజుల వ్యాలిడిటీ.. అన్‌లిమిటెడ్‌ కాల్స్‌!
మరిన్ని బిజినెస్ వార్తల కోసం ఇక్కడ క్లిక్ చేయండి