ఎల్పీజీ గ్యాస్ సిలిండర్ వినియోగదారులకు గుడ్న్యూస్. మే 1 నుంచి గ్యాస్ సిలిండర్ రూల్స్లో కేంద్ర ప్రభుత్వం మార్పులకు శ్రీకారం చుట్టింది. బుకింగ్ వ్యవధి, ఓటీపీ ఆధారిత డెలివరీ వంటి గ్యాస్ సరఫరా నిబంధనల్లో కీలక మార్పులు చేసింది. నేటి నుంచి ఈ కొత్త రూల్స్ అమల్లోకి వచ్చేశాయి. ప్రతీ ఇంట్లో ఎల్పీజీ గ్యాస్ కనెక్షన్ వాడుతూ ఉంటారు. దీంతో ఈ కొత్త నియమాలు దేశంలోని ప్రజలందరినీ ప్రభావితం చేయనున్నాయి.
గ్యాస్ బుకింగ్ వ్యవధిని కేంద్రం పెంచుతూ నిర్ణయం తీసుకుంది. పట్టణ ప్రాంతాల్లో గ్యాస్ బుకింగ్ కనీస వ్యవధిని 25 రోజులకు మార్చారు. గతంలో ఇది 21 రోజులుగా ఉండగా.. ఇప్పుడు మరింత పెంచారు. దీంతో ఇక నుంచి పట్టణ ప్రాంతాల్లోని ప్రజలు సిలిండర్ బుక్ చేసుకున్న 25 రోజుల తర్వాతే వేరే సిలిండర్ బుక్ చేసుకునే అవకాశం ఉంటుంది. ఇక గ్రామీణ ప్రాంతాల్లో 45 రోజుల వరకు వ్యవధి విధించారు.
ఈ వెయిటింగ్ పీరియడ్ ముందే గ్యాస్ బుకింగ్ చేసుకుంటే సిస్టమ్ ఆటోమేటిక్గా నిరోధిస్తుంది. ఇక మే 1 నుంచి తప్పనిసరిగా గ్యాస్ సిలిండర్ పొందాలంటే ఓటీపీ అందించాలి. మీరు గ్యాస్ బుక్ చేసుకున్నాక మీ మొబైల్ నెంబర్కు డెలివరీ అథెంటికేషన్ కోడ్ వస్తుంది. ఈ కోడ్ను డెలివరీ బాయ్ ధృవీకరించుకున్న తర్వాతే గ్యాస్ అందిస్తాడు. ఈ ఓటీపీ చెప్పకపోతే గ్యాస్ ఇవ్వరు.
తంలో ఫిజికల్ బ్లూ లేదా రసీదు చూపించడం ద్వారా గ్యాస్ సిలిండర్లను ఇచ్చేవారు. కానీ ఇక నుంచి తప్పనిసరిగా ఓటీపీ చెప్పాల్సి ఉంటుంది. బ్లాక్ మార్కెటింగ్, అక్రమాలకు చెక్ పెట్టేందుకు కేంద్రం ఈ ఓటీపీ విధానాన్ని తప్పనిసరి చేసింది. దీని వల్ల నిజమైన వ్యక్తికి మాత్రమే గ్యాస్ అందుతుంది. సరఫరాలో అక్రమాలకు చెక్ పడుతుందని కేంద్ర ప్రభుత్వం భావిస్తోంది. నేటి నుంచి ఈ కొత్త రూల్ ప్రవేశపెట్టారు.
ఇక ఎల్పీజీతో పాటు ఇంట్లో పైప్డ్ నేచురల్ గ్యాస్ కనెక్షన్లు ఉన్నవారిని కేంద్రం గుర్తించింది. ఒకే ఇంట్లో రెండు కనెక్షన్లు ఉండటాన్ని నిషేధించారు. దీంతో రెండు కనెక్షన్లను ఉన్నవారిని గుర్తించి ఎల్పీజీ గ్యాస్ కనెక్షన్ రద్దు చేయనున్నారు. అలాంటివారు తిరిగి తమ గ్యాస్ సిలిండర్లను సరెండర్ చేయాల్సి ఉంటుంది. అలాగే గ్యాస్ వినియోగదారులు తప్పనిసరిగా ఈకేవైసీ పూర్తి చేయాలని కేంద్రం చెబుతోంది.