వృషభం: ఈ రాశికి అత్యంత శుభులైన రవి, బుధులు పంచమ స్థానంలో యుతి చెందడం వల్ల ఈ రాశి వారు ఏ ప్రయత్నం చేపట్టినా తప్పకుండా సక్సెస్ అవుతుంది. ఉద్యోగంలో మీ సలహాలు, సూచనల వల్ల సంస్థ లబ్ధి పొందుతుంది. ఉద్యోగం మారడానికి చేస్తున్న ప్రయత్నాలు ఫలిస్తాయి. కొత్త సంస్థను ప్రారంభించడానికి అవకాశం ఉంది. వృత్తి, వ్యాపారాలు కొద్దిపాటి మార్పులతో కొత్త పుంతలు తొక్కుతాయి. షేర్లు, స్పెక్యులేషన్లు, ఆర్థిక లావాదేవీలు అంచనాల్ని మించి లాభిస్తాయి.
మిథునం: చతుర్థ స్థానంలో ఉచ్ఛ స్థితిలో ఉన్న రాశ్యధిపతి బుధుడితో రవి కలవడం వల్ల ఈ రాశివారు ఏ ప్రయత్నం చేపట్టినా విజయాలు, సాఫల్యాలు కలుగుతాయి. సొంత ఇంటి కోసం, సొంత వాహనం కోసం ప్రయత్నించడం మంచిది. ఆస్తి వివాదాలను రాజీమార్గంలో పరిష్కరించుకోవడం వల్ల లబ్ధి పొందుతారు. రియల్ ఎస్టేట్ రంగం వారికి పట్టిందల్లా బంగారం అవుతుంది. ఇంట్లో శుభ కార్యాలు జరిగే సూచనలున్నాయి. ఆదాయవృద్ధి ప్రయత్నాలు నూరు శాతం విజయవంతమవుతాయి.
సింహం: రాశ్యధిపతి రవి ధన, లాభ స్థానాధిపతి బుధుడిని ధన స్థానంలోనే కలవడం వల్ల ఈ రాశివారు ఆదాయ వృద్ధికి ఎటువంటి ప్రయత్నం చేపట్టినా తప్పకుండా విజయవంతం అవుతుంది. ఎంత రిస్క్ తీసుకుంటే అంత మంచిది. ఆకస్మిక ధన లాభంతో పాటు, షేర్లు, ఆర్థిక లావాదేవీలు విశేషంగా లాభిస్తాయి. రావలసిన సొమ్ముతో పాటు మొండి బాకీలు కూడా వసూలవుతాయి. సంపన్న వ్యక్తితో పెళ్లి కుదురుతుంది. కుటుంబంలో శుభ పరిణామాలు చోటు చేసుకుంటాయి.
కన్య: ఈ రాశిలో ఉచ్ఛస్థితిలో ఉన్న బుధుడితో రవి కలవడం వల్ల ఈ రాశివారికి తప్పకుండా పట్టిందల్లా బంగారం అవుతుంది. విదేశీ ఉద్యోగ ప్రయత్నాలే కాక, విదేశీ పెళ్లి ప్రయత్నాలు కూడా సఫలమ వుతాయి. వ్యాపారాల్లోనూ, షేర్లలోనూ పెట్టుబడులు పెట్టడం వల్ల అంచనాలను మించి లబ్ధి పొందే అవకాశం ఉంది. ఆస్తి, గృహ సంబంధమైన ఒప్పందాలు కుదురుతాయి. ప్రముఖులతో లాభదా యక సన్నిహిత సంబంధాలు ఏర్పడతాయి. కుటుంబంలో శుభకార్యాలకు అవకాశం లభిస్తుంది.
వృశ్చికం: ఈ రాశికి లాభ స్థానంలో రవి, బుధులు కలిసి బుధాదిత్య యోగం ఏర్పడడం వల్ల ఆర్థికంగానే కాక, వృత్తి, ఉద్యోగ, వ్యాపారాలపరంగా కూడా శీఘ్ర పురోగతి చెందడానికి అవకాశాలు కలుగు తాయి. ఆదాయ వృద్ధికి సరికొత్త, సునాయాస మార్గాలు ఈ రాశివారి ముందుకు వస్తాయి. విదేశీ సంపాదన యోగం కూడా పడుతుంది. ఉద్యోగులు, నిరుద్యోగులకు విదేశీ ఆఫర్లు అందుతాయి. ఉద్యోగంలో పదోన్నతులు కలుగుతాయి. వృత్తి, వ్యాపారాలు బిజీ అయి, లాభాల బాటపడతాయి.
ధనుస్సు: ఈ రాశికి బుధ, రవులు కలవడం ఒక వరం లాంటిది. విజయాలు, సాఫల్యాలతో లక్ష్మీ కటాక్షం వీరి వైపు ఉంటుంది. అనేక విధాలుగా ఆదాయం బాగా వృద్ధి చెందుతుంది. సంపన్నుల స్థాయికి ఎదగడం జరుగుతుంది. రాజకీయ ప్రాబల్యం కలుగుతుంది. రాజకీయ ప్రముఖులతో సన్నిహిత సంబంధాలు ఏర్పడతాయి. ప్రభుత్వ ఉన్నతోద్యోగం లభించే అవకాశం ఉంది. ఉద్యోగులు, నిరుద్యోగులకు విదేశీ ఆఫర్లు అందుతాయి. ఉద్యోగరీత్యా విదేశాలకు వెళ్లే అవకాశం కలుగుతుంది.
మకరం: ఈ రాశికి భాగ్య స్థానంలో భాగ్యాధిపతి బుధుడితో రవి కలవడం వల్ల ఈ రాశివారికి వ్యక్తిగత జీవితలో కీలకమైన శుభ పరిణామాలు చోటు చేసుకుంటాయి. ఆస్తి వివాదాలు, కోర్టు కేసులు సానుకూలంగా పరిష్కారమవుతాయి. పిత్రార్జితం లభిస్తుంది. ఆస్తిపాస్తులు వృద్ధి చెందుతాయి. గృహ, వాహన ప్రయత్నాలు సఫలమవుతాయి. ఉద్యోగరీత్యా విదేశాలకు తరచూ వెళ్లే అవకాశం కలుగుతుంది. సంతాన యోగం కలుగుతుంది. అనేక విధాలుగా ఆదాయం వృద్ధి చెందుతుంది.