హిందూ సంప్రదాయాల్లో అమావాస్యలకు ప్రత్యేక ప్రాముఖ్యత ఉంటుంది. ముఖ్యంగా సోమవారం వచ్చే అమావాస్యను సోమవతి అమావాస్య అంటారు. శివుడికి సోమవారం చాలా ప్రీతికరం, అందువలన ఈ రోజున వచ్చే అమావాస్యకు విశేషమైన ప్రాముఖ్యత, శక్తి ఉంటుందంట. అయితే ఈ సంవత్సరం జూన్ 15 సోమవారం రోజున ఈ అమావాస్య రానుంది.
ఇక ఈ రోజున అరుదై గ్రహాల కూటమిల వలన రెండు శుభయోగాలు ఏర్పడనున్నాయి. దీంతో ఈ అమావాస్య మరింత శక్తివంతంగా మారనుంది. అందువలన ఈ అమావాస్య తిథిలో కొన్ని పనులు , పూజలు చేయడం మంచిది. ఇక ఈ అమావాస్య తిథి జూన్ 14 ఆది వారం ఉదయం 11 గంటలకు ప్రారంభమై, జూన్ 15 సోమవారం ఉదయం 8 గంటల వరకు ఉంటుందంట.
అయితే ఈ సమయంలో ఎవరు అయితే రావి చెట్టును నిష్టగా భక్తి శ్రద్ధలతో పూజిస్తారో వారికి అన్నివిధాలుగా కలిసి వస్తుందంట. రావి చెట్టులో సకల దేవతలు కొలువై ఉంటారు అని చెబుతారు. అందువలన వివాహం కాని వారు, ఆర్థిక సమస్యలు ఉన్నవారు ఈ రోజు రావి చెట్టు చుట్టు ప్రదక్షిణలు చేసి, పూజలు చేయడం వలన సమస్యలు అన్నీ తొలిగిపోతాయంట.
అలాగే ఈ రోజు పితృదేవతలను పూజించడం, ఆరాధించడం కూడా చాలా మంచిదంట. ఈ రోజు ఎవరు అయితే పితృదేవతలకు తర్పణం అర్పిస్తారో వారికి అన్నివిధాలుగా కలిసి వస్తుందని, ఆర్థిక సమస్యలు తొలిగిపోతాయని పండితులు తెలియజేస్తున్నారు.
అంతే కాకుండా ఈ సోమవతి అమావాస్య రోజు నది స్నానం ఆచరించడం, వస్త్ర దానం, పప్పులు దానం చేయడం వలన కూడా విశేషంగా కలిసి వస్తుందంట. నోట్ : పై సమాచారం పండితులు, ఇంటర్నెట్ ఆధారంగా మాత్రమే ఇవ్వడం జరిగింది. టీవీ9 తెలుగు దీనిని ధృవీకరించలేదని పాఠకులు గమనించాలి.