ఈ వంటకాన్ని మసాలా అన్నం, చపాతీ, రోటీ లేదా నీర్ దోసతో కలిపి తింటే మరింత రుచిగా ఉంటుంది. అయితే ఖలేజా గట్టిపడకుండా వండటం చాలా ముఖ్యం. అందుకోసం ముందుగా అధిక మంటపై కొద్దిసేపు వేయించి, ఆ తర్వాత తక్కువ మంటపై మూత పెట్టి ఉడికించాలి. ఎక్కువసేపు ఉడికిస్తే ఖలేజా గట్టిగా మారుతుందని రెసిపీలో ప్రత్యేకంగా సూచించారు.
కావలసిన పదార్థాలు
చికెన్ ఖలేజా – 500 గ్రాములు
ఉల్లిపాయలు – 2
టమాటాలు – 2
పచ్చిమిర్చి – 3
వెల్లుల్లి – 8 రెబ్బలు
అల్లం – 1 అంగుళం
కొత్తిమీర – 1 గుప్పెడు
ధనియాల పొడి – 1 టీస్పూన్
కారం పొడి – 1 టీస్పూన్
గరం మసాలా – ½ టీస్పూన్
పసుపు – ¼ టీస్పూన్
జీలకర్ర – ½ టీస్పూన్
దాల్చినచెక్క – 1 చిన్న ముక్క
లవంగాలు – 3
యాలకులు – 2
నూనె – 3 టేబుల్ స్పూన్లు
ఉప్పు – రుచికి తగినంత
నిమ్మరసం – 1 టీస్పూన్
తయారీ విధానం
1. ఖలేజాను సిద్ధం చేసుకోవాలి
ముందుగా చికెన్ ఖలేజాను బాగా శుభ్రం చేయాలి. అందులోని నీరు పూర్తిగా పోయేలా తుడిచి, మధ్యస్థ పరిమాణంలో ముక్కలుగా కోసుకోవాలి.
2. మసాలా తయారు చేయాలి
బాణలిలో నూనె వేడి చేసి జీలకర్ర, దాల్చినచెక్క, లవంగాలు, యాలకులు వేయించాలి. తర్వాత సన్నగా తరిగిన ఉల్లిపాయలు, పచ్చిమిర్చి వేసి ఉల్లిపాయలు బంగారు గోధుమ రంగులోకి వచ్చే వరకు వేయించాలి.
3. టమాటా మసాలా కలపాలి
అల్లం-వెల్లుల్లి పేస్ట్ వేసి పచ్చి వాసన పోయే వరకు వేయించాలి. తర్వాత టమాటా, పసుపు, కారం, ధనియాల పొడి వేసి మసాలా బాగా ఉడికే వరకు కలుపుతూ ఉంచాలి. నూనె పైకి తేలినప్పుడు మసాలా సిద్ధమైనట్లు.
4. ఖలేజాను ఉడికించాలి
ఇప్పుడు ఖలేజా ముక్కలు, ఉప్పు వేసి అధిక మంటపై 3–4 నిమిషాలు బాగా వేయించాలి. తర్వాత మంట తగ్గించి మూత పెట్టి 8–10 నిమిషాలు ఉడికించాలి.
5. ముఖ్యమైన చిట్కా
ఖలేజాను ఎక్కువసేపు ఉడికించకూడదు. అలా చేస్తే అది గట్టిగా మారుతుంది. ఖలేజా ఉడికిన తర్వాత గరం మసాలా వేసి మరో 2–3 నిమిషాలు వేయించాలి.
6. చివరగా
చివరగా కొత్తిమీర, నిమ్మరసం వేసి బాగా కలపాలి. అంతే.. నోరూరించే చికెన్ ఖలేజా మసాలా సిద్ధం.
దేనితో తింటే రుచిగా ఉంటుంది?
వేడి వేడి చికెన్ ఖలేజా మసాలాను నెయ్యి అన్నం, చపాతీ, రోటీ లేదా నీర్ దోసతో వడ్డించవచ్చు. చివర్లో కొద్దిగా కసూరి మెంతులు జోడిస్తే రుచి మరింత పెరుగుతుందని రెసిపీలో పేర్కొన్నారు.