కావాల్సిన పదార్థాలు : టమాటాలు – 1/2 కిలో, గట్టిగా ఎర్రగా ఉండాలి.మెంతులు – 2 టేబుల్ స్పూన్లు.ఎండుమిర్చి – 8 నుండి 10. ఆవాలు – 1/2 టీస్పూన్. ఇంగువ – చిటికెడు. పసుపు – 1/2 టీస్పూన్. ఉప్పు – రుచికి సరిపడా. బెల్లం – చిన్న ముక్క, పులుపు తగ్గడానికి. నూనె – 4 గరిటెలు, నువ్వుల నూనె అయితే ఇంకా రుచి బాగుంటుంది.
తయారీ విధానంలోకి వెళితే.. ముందుగా మెంతి ఆకు తీసుకోవాలి. దానిని శుభ్రంగా కడిగి, నీరు ఆరే వరకు గాలికి ఆరబెట్టాలి. తర్వాత టమాటాలను చిన్న చిన్న ముక్కలుగా కట్ చేసుకోవాలి. తర్వాత మెంతి ఆకును వేయించుకోవాలి. దీని కోసం స్టవ్ ఆన్ చేసి , పాన్ పెట్టి అందులో కొంచెం నూనె పోసి టమాటాలను వేయించుకోవాలి.
అవి బాగా వేగిన తర్వాత అందులో మెంతి కూర పచ్చి మిర్చీ, ఇంగువ, ఎండు మిర్చీ వేసి , పసుపు, కొంచెం ఉప్పు వేసి మంచిగా ఉడికించుకోవాలి. ఇవి ఎంత బాగా వేడి, ఉడికితే పచ్చడి రుచి అంత బాగుంటుంది. తర్వాత వీటిని ఒక గిన్నెలోకి తీసుకొని చల్లారబెట్టుకోవాలి.
అయితే మిక్సీ పట్టుకోకూడదు. మిక్సీ పట్టడం వలన పచ్చడి రుచి మారిపోతుంది. అందువలన వీటిని రోటిలో వేసి మంచిగా దంచుకోవాలి. దంచే సమయంలో చిన్న అల్లం ముక్క వేసుకొని మంచిగా కచ్చా పచ్చాగా దంచుకోవాలి. తర్వాత దీనిని ఒక గిన్నెలోకి తీసుకొని పక్కన పెట్టుకోవాలి. దీనిని పోపు ప్రిపేర్ చేసుకోవాలి.
ఇప్పుడు స్టవ్ ఆన్ చేసి కడాయి పెట్టాలి. తర్వాత అందులో ఆవాలు, జీలకర్ర, ఎండు మిర్చీ, కరివేపాకు, వెల్లుల్లి రెబ్బలు అన్నీ వేసి , ఇవి మంచిగా వేగిన తర్వాత పచ్చడి అందులో వేయాలి. అంతే టేస్టీ టేస్టీ రుచికరమైన మెంతి టమాటా పచ్చడి రెడీ. అయితే ఎప్పుడూ కూడా దీనిని ఇది పూర్తిగా చల్లారిన తర్వాతనే గాజు సీసాలో స్టోర్ చేసుకోవాలి. దీని వలన ఎక్కువ రోజులు మన్నికగా ఉంటుంది.