ఉల్లికాడలు గురించి ప్రత్యేకించి చెప్పాల్సిన అవరం లేదు ఇవి శరీరానికి ఎంతో మేలు చేస్తాయి. ఇంకా దీనిని తింటే మలబద్ధకం, పైల్స్ సమస్యలు కూడా తగ్గుతాయి. జీర్ణక్రియ పనితీరును మెరుగుపరచి, పైల్స్ సమస్యను త్వరగా తగ్గేలా చేస్తాయి. ఇంకా తింటే రోగనిరోధక శక్తి కూడా పెరుగుతుంది. ఇంకా ఇది ఇన్ఫెక్షన్లతో పోరాడి మనకి అధిక శక్తిని ఇస్తుంది.
కావలసిన పదార్థాలు: మూడు కప్పుల ఉల్లికాడలను తరిమి పెట్టుకోవాలి. రెండు ఉల్లిపాయలు, మూడు టమోటాలు, 50 గ్రాముల పచ్చిమిర్చి, ఒక టేబుల్ స్పూన్ అల్లం వెల్లుల్లి పేస్ట్, ఒక టేబుల్ స్పూన్ మసాలా పొడి, ఒక టేబుల్ స్పూన్ కారం, రుచికి సరిపడా ఉప్పు, అర టేబుల్ స్పూన్ పసుపు, ఒక టేబుల్ స్పూన్ నూనెను తీసుకోవాలి పోపులోకి ఆవాలు, కొద్దిగా జీలకర్రను తీసుకోవాలి.
ఉల్లికాడలు తయారీ విధానం : ముందుగా పోపును సిద్ధం చేసుకోవాలి. గ్యాస్ పొయ్యి వెలిగించి కూర చేసుకునే పాన్ పెట్టి దానిలో కొద్దిగా నూనె వేసి అది వేడి అయినా తర్వాత దానిలో, ఒక కప్పు ఉల్లిపాయ ముక్కలు, కట్ చేసిన పచ్చిమిర్చిని కూడా వేసుకోవాలి. ఇంకా దీనిలో కొద్దిగా కారం ఎక్కువగా వేసుకోవాలి. ఆలాగే నాలుగు కరివేపాకు ఆకులు తీసుకుని బాగా వేయించాలి.
అయితే, ఈ మిశ్రమంలో ఒక టేబుల్ స్పూన్ అల్లం వెల్లుల్లి పేస్ట్ వేసి అది పచ్చి వాసన పోయే వరకు బాగా వేయించి దానిలో టమోటా ముక్కలు, అర టేబుల్ స్పూన్ పసుపు, ఇంకా దీనిలో రుచికి సరిపడా ఉప్పును కూడా వేసి మెత్తగా అయ్యే వరకు ఉంచాలి . కొద్దీ సేపటి తర్వాత దీనిలో సన్నగా కట్ చేసి పెట్టుకున్న ఉల్లికాడలను కూడా దీనిలో వేసి కనీసం 10 నిమిషాల పాటు బాగా ఉడికించుకోవాలి.
చివర్లో కొత్తిమీరను వేసుకోవాలి : రెండు టేబుల్ స్పూన్స్ కారం కూడా వేసి మీడియం మంట మీద ఉడికించుకోవాలి. అయితే, వీటిని మెల్లి మెల్లిగా కలుపుకుంటూ మూత పెట్టి 10 నిమిషాల పాటు బాగా ఉడికించాలి. దించే ముందు చివర్లో అర కట్ట కొత్తిమీరను కూడా వేసి కూరలో మంచిగా మిక్స్ అయ్యేలా దీనిని కలుపుకోవాలి. కాడలు ఉడికే వరకు స్టవ్ మీదే ఉడికించాలి.