ప్రస్తుత కమర్షియల్ సినిమాల్లో స్పెషల్ సాంగ్స్ తప్పనిసరి అంశంగా మారాయి. పాన్ ఇండియా స్థాయిలో రూపొందుతున్న భారీ బడ్జెట్ చిత్రాలకు స్టార్ హీరోయిన్ల స్పెషల్ సాంగ్స్ అదనపు హైప్ను తీసుకొస్తున్నాయి. ఈ నేపథ్యంలో రామ్ చరణ్ నటిస్తున్న పెద్ది సినిమా కోసం ఒక క్రేజీ స్పెషల్ సాంగ్ను ప్లాన్ చేస్తున్నారు. అయితే, ఈ పాట విషయంలో నెలల తరబడి చర్చలు జరుగుతున్నా, ఇప్పటివరకు చిత్రీకరణ మొదలుకాలేదు. ఈ ఆలస్యానికి కారణం ఏమిటనేది సినీ వర్గాల్లో చర్చనీయాంశంగా మారింది. స్పెషల్ సాంగ్లో చరణ్తో కలిసి ఆడిపాడబోయే నటి ఎవరు అనే దానిపై స్పష్టత కొరవడింది. గతంలో మృణాల్ ఠాకూర్ పేరు గట్టిగా వినిపించగా, ప్రస్తుతం సంయుక్త మీనన్ పేరు తెరపైకి వచ్చింది.