కావలసిన పదార్థాలు: 1 కప్పు స్వచ్ఛమైన జొన్నపిండి, 6½ కప్పులు నీళ్లు, రుచికి సరిపడా కమ్మని తాజా పెరుగు, 1 చిన్న ఉల్లిపాయ, తాజా కొత్తిమీర తరుగు – కొద్దిగా, రుచికి తగినంత సాల్ట్, గమనిక: ఇందులో వంట సోడాలు లేదా కృత్రిమ పదార్థాలు అస్సలు వాడకూడదు
తయారీ విధానం: ఒక వెడల్పాటి గిన్నెలోకి 1 కప్పు ఫ్రెష్ జొన్నపిండిని తీసుకోవాలి. ఇందులో అదే కప్పుతో సరిగ్గా 1½ కప్పుల చన్నీళ్లు పోసి.. ఉండలు ఏమీ లేకుండా చేత్తో లేదా విస్కర్‌తో నునుపైన జోవలాంటి లిక్విడ్ పేస్ట్‌లా కలుపుకుని పక్కన పెట్టుకోవాలి.స్టవ్‌పై మరొక లోతైన గిన్నె పెట్టి.. అదే కప్పుతో సరిగ్గా 5 కప్పుల నీళ్లు పోసి మంటను హై ఫ్లేమ్‌లో ఉంచాలి. నీళ్లు 2 నిమిషాల పాటు రోలింగ్ బాయిల్ అవుతూ మరుగుతున్నప్పుడు.. ముందుగా కలిపి ఉంచుకున్న జొన్నపిండి ద్రవాన్ని నెమ్మదిగా పోయాలి.
వెంటనే గరిటెతో అడుగు నుంచి ఆపకుండా కలుపుతూ ఉండాలి. ఇందులో రుచికి సరిపడా కొద్దిగా ఉప్పు వేసి మీడియం మంటపై 6 నుండి 8 నిమిషాలు ఉడికించాలి. జావ బాగా ఉడికి అడుగు పట్టకుండా చిక్కగా, గంజిలా దగ్గరపడగానే స్టవ్ ఆఫ్ చేయాలి.ఉడికిన జావ గిన్నెపై మూతపెట్టి రాత్రంతా గది ఉష్ణోగ్రత వద్దే ఉంచి పులియబెట్టాలి. ఉదయం నిద్రలేచి మూత తీసి చూస్తే జావ చిక్కబడి మీగడలాంటి మృదువైన గడ్డకట్టి ఉంటుంది.
ఈ చల్లని గడ్డ జావను గరిటెతో ఉండలు లేకుండా సాఫ్ట్‌గా మెదుపుకోవాలి. కమ్మని పెరుగును గడ్డలు లేకుండా చిలికి.. జావలో మనకు కావలసిన చిక్కదనానికి సరిపడా వేసి బాగా కలపాలి.తాజాదనంతో తాగాలనుకున్న భాగాన్ని ఒక గిన్నెలోకి తీసుకుని.. అందులో సన్నగా తరిగిన పచ్చి ఉల్లిపాయ ముక్కలు, చిటికెడు కొత్తిమీర తరుగు చల్లి కలుపుకోవాలి. మిగిలిన జావను ఫ్రిజ్‌లో పెట్టుకుని సాయంత్రం కూడా తాగవచ్చు.
అంతే, నోరూరించే ప్రాచీన అమృతం లాంటి 'జొన్న జావ' సిద్ధం! ఉదయాన్నే పరగడుపున ఈ చల్లటి జావను తాగితే కడుపులో మంట, గుండె దడ తగ్గిపోవడమే కాకుండా.. రోజంతా డీహైడ్రేషన్ బారిన పడకుండా అమితమైన చలవను, నూరేళ్ల నిండు బలాన్ని ప్రసాదిస్తుంది!