అరటి నారతో ఇక్కత్ వస్త్రం..సాధారణంగా అరటి పంట తర్వాత పనికిరాదని భావించే అరటి మొక్క నుంచి లభించే నారను వస్త్ర తయారీలో వినియోగించాలనే ఆలోచనతో కొత్త ప్రయత్నానికి భోగ బాలయ్య శ్రీకారం చుట్టారు. సాధారణంగా కాటన్, సిల్క్ వస్త్రాలను నేయడానికి కుడి, ఎడమ ఉండే రెండు పెడల్స్ తొక్కుతూ మగ్గంపై వస్త్రాన్ని వస్త్రాన్ని నేస్తారు. కానీ, ఈ విధానంలో మాత్రం ప్రత్యేకంగా నాలుగు పెడల్స్, నాలుగు అచ్చులను వినియోగించారు. అడ్డం దారం (వెస్ట్) మాత్రం అరటి చెట్టు కాండం పొరల నార నుంచి తీసిన దారాన్ని, నిలుపు (వార్పు) 2/120 నెంబర్ కాటన్ దారాన్ని వినియోగించి ఇక్కత్ డిజైన్లో వస్తాన్ని రూపొందించారు. అరటి నార దారాన్ని కోయంబత్తూర్ నుంచి తెప్పించారు. అరటి, కాటన్ దారాల మిశ్రమంతో తయారైన వస్త్రం ముడత పడదని, ఒకవైపు కాంతివంతమైన రంగు కలిగి, చాలా మృదువుగా ఉంటుందని బాలయ్య తెలిపారు.