మన పూర్వీకుల కాలం నుండి గృహ వైద్యంలో ఆముదం నూనెకు ప్రత్యేక స్థానం ఉంది. ఆముదం గింజల నుండి తీసే ఈ నూనెలో కొవ్వు ఆమ్లాలు, విటమిన్లు మరియు యాంటీ ఆక్సిడెంట్ గుణాలు పుష్కలంగా ఉంటాయి. చర్మ సౌందర్యం, కేశ సంరక్షణతో పాటు జీర్ణక్రియ సంబంధిత సమస్యలకు ఇది అద్భుతమైన నివారణగా పనిచేస్తుంది.
ఆముదంలో ఉండే రిసినోలిక్ యాసిడ్ పేగుల కదలికలను వేగవంతం చేసి, జీర్ణరసాల ఉత్పత్తిని పెంచుతుంది. ఇది మలబద్ధకం నుంచి తక్షణ ఉపశమనం కలిగిస్తుంది. ఆముదాన్ని క్రమం తప్పకుండా తలకు రాసుకోవడం వల్ల జుట్టు రాలడం తగ్గి ఒత్తైన, నల్లటి జుట్టు పెరుగుతుంది. ఇది కుదుళ్లకు పోషణను అందించి చుండ్రును నివారిస్తుంది.
ఇది అద్భుతమైన సహజమైన మాయిశ్చరైజర్గా పనిచేస్తుంది. చర్మం పొడిబారకుండా చూస్తూ, ముడతలు, నల్లటి మచ్చలను తగ్గించడంలో సహాయపడుతుంది. ఆముదంలోని యాంటీ ఇన్ఫ్లమ్మేటరీ గుణాలు కీళ్ల నొప్పులు, వాపులు, కండరాల నొప్పులను తగ్గిస్తాయి. నూనెను గోరువెచ్చగా చేసి నొప్పులున్న చోట మర్దన చేస్తే మంచి ఫలితం ఉంటుంది.
ఆముదంలో ఉండే యాంటీ ఇన్ఫ్లమేటరీ గుణాలు కీళ్ల నొప్పులు, మోకాలి నొప్పులు వంటి నొప్పులను తగ్గిస్తాయి. కండరాల నొప్పులను తగ్గిస్తుంది, కండరాల వాపును తగ్గిస్తుంది. ఆముదం రుతుస్రావ సమస్యలను తగ్గిస్తుంది. గర్భధారణ సమస్యలను తగ్గిస్తుంది. చెవుల నొప్పులను తగ్గిస్తుంది. కళ్లకు మంచిది. పాదాల పగుళ్లను తగ్గిస్తుంది. ఆముదం ఆయిల్తో మసాజ్ చేయడం ద్వారా మానసిక ప్రశాంతత లభిస్తుంది.
తీసుకోవాల్సిన జాగ్రత్తలు, దుష్ప్రభావాలు: ఆముదం ఎంత ఆరోగ్యకరమైనదైనా దానిని అతిగా లేదా పరిమితి దాటి వాడకూడదు. లోపలికి తీసుకునేటప్పుడు అధిక మోతాదులో వాడితే విరేచనాలు, కడుపు తిమ్మిర్లు, తలతిరగడం వంటి సమస్యలు వస్తాయి. గర్భిణీ స్త్రీలు, పాలిచ్చే తల్లులు, చిన్న పిల్లలకు ఆముదాన్ని నోటి ద్వారా ఇవ్వకూడదు. కడుపు ఉబ్బరం లేదా అసిడిటీ తీవ్రంగా ఉన్నవారు వైద్యుల సలహా తీసుకోకుండా దీనిని ఉపయోగించకపోవడం మంచిది.