కోతిని చూస్తే కుక్క వెంట పడుతుంది. కుక్కను చూస్తే కోతి పరుగు పెడుతుంది.. కానీ, ఇందుకు పూర్తి విరుద్ధంగా పెద్దపెల్లి జిల్లా గోదావరిఖనిలో ఓ అరుదైన ఘటన ఆవిష్కృతమైంది. జాతి వైరాన్ని మరిచి ఓ కుక్క, కోతి ప్రాణ స్నేహితులుగా మారాయి. దోస్త్ మేరా దోస్త్ అన్నట్లుగా సరదాగా ఆడుకున్నాయి. నిత్యం భక్తులతో కిటకిటలాడే గోదావరిఖని కోదండ రామాలయ ప్రాంగణంలో ఈ ఆసక్తికర ఘటన చోటుచేసుకుంది. అరుదైన ఈ దృశ్యాన్ని ప్రజలు ఆసక్తిగా తిలకించారు. ఆశ్చర్యాన్ని వ్యక్తం చేశారు.
స్వార్థం, అసూయ లాంటి అవలక్షణాలతో మానవత్వాన్ని మంటగల్పుతున్న మనుషులు ఉన్న ఈ రోజుల్లో మూగజీవాలు అయి ఉండి కూడా జాతి వైరాన్ని మరచి పరస్పర స్నేహాన్ని చాటుకున్న కుక్క కోతివి చూసి అందరూ ఆనందాన్ని వ్యక్తం చేశారు. పలువురు ఈ సన్నివేశాన్ని అమితాసక్తితో సెల్ ఫోన్ లలో బంధించి సోషల్ మీడియా ద్వారా ప్రపంచం దృష్టికి తీసుకువచ్చారు. మొత్తంగా ప్రకృతిలో జంతువుల మధ్య కూడా ప్రేమ, స్నేహం ఉంటాయని ఈ ఘటన మరోసారి నిరూపించింది.
ఇవి కూడా చదవండి
