హైదరాబాద్, ఏప్రిల్ 25: జాయింట్ ఎంట్రన్స్ ఎగ్జామినేషన్ (JEE) మెయిన్ 2026 సెషన్ 2కు సంబంధించి నెషనల్ టెస్టింగ్ ఏజెన్సీ (NTA) కీలక అప్డేట్ జారీ చేసింది. బీఆర్క్, పేపర్ 2బీ బీ ప్లానింగ్ కోర్సుల్లో ప్రవేశాలకు నిర్వహించిన పేపర్ 2ఏ, పేపర్ 2బీ పరీక్షల ప్రాథమిక ఆన్సర్ కీలను తాజాగా విడుదల చేసింది. ఆన్సర్ కీతోపాటు అభ్యర్థుల రెస్పాన్స్ షీట్లను కూడా వెబ్సైట్లో అందుబాటులో ఉంచింది. పరీక్షకు హాజరైన అభ్యర్థులు అధికారిక వెబ్సైట్ ద్వారా తమ అప్లికేషన్ నంబర్, పాస్వర్డ్ నమోదు చేసి ఆన్సర్ కీ, రెస్పాన్స్షీట్లను డౌన్లోడ్ చేసుకోవచ్చు. ఆన్సర్ కీపై అభ్యంతరాలను ఏప్రిల్ 25 నుంచి 27వ తేదీ రాత్రి 11.50 గంటల వరకు ఆన్లైన్ విధానంలో సమర్పించవచ్చు. ఒక్కో ప్రశ్నకు రూ.200 ఫీజు చెల్లించి తమ అభ్యంతరాలు తెలపవచ్చు. ఆ ప్రశ్నకు సమాధానం సరైనదైతే ఎన్టీయే ఫీజును తిరిగి చెల్లిస్తుంది.
జేఈఈ మెయిన్ పేపర్ 2 ఆన్సర్ ‘కీ’ డౌన్ లోడ్ కోసం ఇక్కడ క్లిక్ చేయండి.
అభ్యంతరాల స్వీకరణ అనంతరం తుది ఆన్సర్ కీ రూపొందించి.. త్వరలోనే ఫలితాలను కూడా వెల్లడిస్తారు. కాగా జేఈఈ మెయిన్ 2026 సెషన్ 2 పేపర్ 1 పరీక్ష ఫలితాలు ఏప్రిల్ 20న విడుదలైన సంగతి తెలిసిందే (ఆ సమయంలో పేపర్ 2 ఫలితాలను ఎన్టీయే వెల్లడించలేదు). జేఈఈ మెయిన్ రెండు సెషన్లకు సంబంధించి ఆల్ ఇండియా ర్యాంకర్లను కూడా ఎన్టీయే ప్రకటించింది. ఇందులో తొలి 2.50 లక్షల ర్యాంకర్లను జేఈఈ అడ్వాన్స్డ్ రాసేందుకు అనుమతిస్తారు. దీంతో జేఈఈ అడ్వాన్స్డ్కు రిజిస్ట్రేషన్ల ప్రక్రియ కూడా తాజాగా మొదలైంది. ఈ క్రమంలో పేపర్ 2ఏ, 2బీ ఆన్సర్ కీలను కూడా ఎన్టీయే తాజాగా జారీ చేసింది. వీటి ఫలితాలు త్వరలోనే విడుదల కానున్నాయి.
ఇవి కూడా చదవండి
జేఈఈ మెయిన్ పేపర్ 2 ఆన్సర్ ‘కీ’ డౌన్ లోడ్ కోసం ఇక్కడ క్లిక్ చేయండి.
మరిన్ని విద్యా, ఉద్యోగ కథనాల కోసం క్లిక్ చేయండి.