ఇంట్లో దోమల బెడదను తగ్గించడానికి రసాయనాలతో కూడిన కాయిల్స్ లేదా లిక్విడ్‌లకు బదులుగా ఇంట్లోనే సహజసిద్ధమైన చిట్కాలను పాటించడం ఎంతో శ్రేయస్కరం. వాటిలో లెమన్ గ్రాస్ అత్యంత ప్రభావవంతంగా పనిచేస్తుంది. లెమన్ గ్రాస్‌లో ఉండే తీవ్రమైన సువాసన దోమలను ఇంట్లోకి రాకుండా తరిమికొడుతుంది. ఎటువంటి ఆరోగ్య సమస్యలు తలెత్తకుండా దోమలను నివారించడానికి ఇదొక సురక్షితమైన మార్గం.
లెమన్ గ్రాస్ దోమలను ఎలా నివారిస్తుంది?
లేమన్ గ్రాస్‌లో సిట్రోనెల్లా అనే సహజమైన నూనె సమ్మేళనం ఉంటుంది. దీని నుండి వచ్చే బలమైన నిమ్మ సువాసన దోమలకు అస్సలు పడదు. ఇది దోమల ఘ్రాణశక్తిని దెబ్బతీసి, అవి మనుషులను గుర్తించకుండా చేస్తుంది.
దోమల నివారణకు లెమన్ గ్రాస్ ఎలా ఉపయోగించాలి?
ఇవి కూడా చదవండి
లెమన్ గ్రాస్ ఆయిల్ స్ప్రే:
కొన్ని చుక్కల లెమన్ గ్రాస్ ఎసెన్షియల్ ఆయిల్‌ను కొద్దిగా నీటిలో కలిపి ఒక స్ప్రే సీసాలో నింపుకోవాలి. ఈ మిశ్రమాన్ని ఇంట్లోని మూలల్లో, కిటికీలు, తలుపులు, దోమలు ఎక్కువగా ఉండే ప్రదేశాల్లో స్ప్రే చేయాలి. ఇది దోమలను తక్షణమే దూరంగా ఉంచుతుంది.
లెమన్ గ్రాస్ మొక్కలు పెంచడం:
ఇంటి గుమ్మం వద్ద, బాల్కనీలో లేదా కిటికీల దగ్గర లెమన్ గ్రాస్ కుండీలను ఏర్పాటు చేసుకోవడం మంచిది. ఈ మొక్కల నుంచి వచ్చే సహజ సువాసన వల్ల దోమలు ఇంట్లోకి ప్రవేశించవు.
దీపారాధన నూనెలో కలపడం:
ఇంట్లో దీపం వెలిగించే నూనెలో లేదా అరోమా డిఫ్యూజర్‌లో కొన్ని చుక్కల లెమన్ గ్రాస్ ఆయిల్ వేయడం వల్ల ఇల్లంతా మంచి సువాసన వ్యాపించడమే కాకుండా దోమలు కూడా పారిపోతాయి.
సహజ నివారణ వల్ల కలిగే ప్రయోజనాలు:
కృత్రిమ రసాయనాలు లేకపోవడం వల్ల పిల్లలు, వృద్ధులకు సురక్షితం. శ్వాసకోస సంబంధిత అలర్జీలు, ఆస్తమా ఉన్నవారికి ఎలాంటి ఇబ్బంది ఉండదు. ఇంట్లోని దుర్వాసనను పోగొట్టి ఆహ్లాదకరమైన వాతావరణాన్ని అందిస్తుంది. కెమికల్ రిపెల్లెంట్లకు స్వస్తి చెప్పి, ప్రతిరోజూ లెమన్ గ్రాస్ లాంటి సహజ మార్గాలను పాటించడం ద్వారా కుటుంబ ఆరోగ్య భద్రతతో పాటు దోమల రహిత వాతావరణాన్ని పొందవచ్చు.
మరిన్ని లైఫ్ స్టైల్ న్యూస్ కోసం క్లిక్ చేయండి..