సూర్యుడు కర్కాటక రాశిలోకి ప్రవేశించిన సమయంలో ఆషాఢ మాసం ప్రారంభం అవుతుంది. దీనిని దక్షిణాయన కాలం అని కూడా అంటారు. ఈ సమయంలో దేవతలు నిద్రలోకి వెళ్తారు, అంతే కాకుండా ఈ మాసంలో ఖగోళ శాస్త్రం ప్రకారం సూర్యుడు కదులుతున్నట్లు కనిపిస్తాడు అంటారు. అయితే ఈ మాసంలో దేవతలు రాత్రి కాలంగా చెప్పుకుంటారు కాబట్టి శుభకార్యాలు నిర్వహించరు.
ఈ మాసం విశ్వ శక్తులలో మార్పు తీసుకొస్తుందని చెప్పుకొస్తుంటారు.అందుకే వివాహాలు జరిపించరు. ముఖ్యంగా ఈ మాసంలో దేవతలు నిద్రలో ఉండటం వలన వారి ఆశీర్వాదం లేకుండా పెళ్లీలు చేయరు. ఈ సమయంలో పెళ్లీలు చేసినా దంపతులుపై దేవతల ఆశీర్వాదం ఉండదంట. అందుకే ఈ మాసంలో పెళ్లీలు చేయలు అని చెబుతున్నారు పండితులు.
అంతే కాకుండా ఈ సమయంలో వర్షాలు అధికంగా ఉంటాయి. అనేక రకాల సమస్యలు ఎక్కువగా వస్తుంటాయి. వైరల్ ఇన్ఫెక్షన్స్, వ్యాధులు ప్రబలడం జరుగుతుంది. అందువలన ఎక్కువ మంది ఒక్కచోట గుమి కూడదు, అని చెబుతుంటారు. అందుకే ఈ సమయంలో పెళ్లీ నిర్వహించరు. అదే విధంగా గతంలో ఈ సమయంలో పెళ్లి చేయడం వలన వర్షం పడటం వలన పెళ్లి పందిరి, బట్టలూ అన్నీ తడిసిపోయేవి. అందువలన ఈ సమయంలో పెళ్లీలు చేయరని కొందరు చెబుతుంటారు.
ఇవే కాకుండా ఈ మాసంలో ప్రతికూల శక్తుల ప్రభావం కూడా ఎక్కువగా ఉంటుందంట. దేవతలు నిద్రలో ఉంటారు. అందుకే ఈ సమయంలో పెళ్లీలు చేయరు అని చెబుతుంటారు. అలాగే ప్రజలు అందరూ కూడా వ్యవసాయం పనుల్లో బిజీగా ఉంటారు. అంతే కాకుండా కొందరు ఆషాఢంలో పెళ్లి చేయడం అరిష్టం అని కూడా అంటారు. అందుకే కొంత మంది తమ నమ్మకాల ప్రకారం ఈ సమయంలో పెళ్లి పనులు చేయరు. కానీ ఇది వారి వారి నమ్మకాలపై మాత్రమే ఆధారపడి ఉంటుందని నిపుణులు చెబుతున్నారు.
నోట్ : ఈ వార్తలలో ఇవ్వబడిన సమాచారం మత విశ్వాసాలపై ఆధారపడి ఉంది. పాఠకుల ఆసక్తి మేరకు.. పలువురు పండితుల సూచనలు, వారి తెలిపిన అంశాల ఆధారంగా అందించినవి మాత్రమే.. వీటిలో ఎలాంటి శాస్త్రీయ ఆధారాలు లేవని పాఠకులు గమనించాలి. టీవీ9 తెలుగు దీనిని ధృవీకరించలేదు