శ్వాసకోశ ఇబ్బందులు ఉన్నవారికి కీటకాల కోసం వాడే కెమికల్ రసాయనాలు అలర్జీలను కలిగిస్తాయి. అయితే, ఎటువంటి హానికరమైన కెమికల్స్ లేకుండా, కేవలం మన వంటగదిలో లభించే రూ.10 లోపు ఖర్చయ్యే సాధారణ వస్తువులతోనే క్రిమికీటకాలను ఇంటి దరిచేరకుండా ఎలా తరిమికొట్టవచ్చో ఇప్పుడు పూర్తి వివరంగా తెలుసుకుందాం.
1. కర్పూరం మ్యాజిక్
పూజకు ఉపయోగించే కర్పూరం బిళ్లల ఘాటైన వాసన ఈగలు, దోమలు చిన్న చిన్న పురుగులకు అస్సలు పడదు.
ఉపయోగించే విధానం: ఒక కప్పు నీటిలో రెండు కర్పూరం బిళ్లలను పొడి చేసి కలపాలి. ఈ నీటిని ఒక స్ప్రే బాటిల్లో పోసి ఇంట్లోని మూలలు, తలుపుల వెనుక స్ప్రే చేయడం వల్ల దోమలు, పురుగులు తక్షణమే పారిపోతాయి. లేదా సాయంత్రం వేళ ఒక ప్రమిదలో కర్పూరం వెలిగించినా మంచి ఫలితం ఉంటుంది.
2. లవంగాలు మరియు నిమ్మకాయ
ఈగలు, దోమల బెడద ఎక్కువగా ఉన్నప్పుడు లవంగాలు అద్భుతంగా పనిచేస్తాయి.
ఉపయోగించే విధానం: ఒక నిమ్మకాయను సగానికి కోసి, ఆ ముక్కలపై 5 నుండి 6 లవంగాలను గుచ్చాలి. వీటిని డైనింగ్ టేబుల్ లేదా బాత్రూమ్ మూలల్లో ఉంచడం వల్ల, ఆ ఘాటుకు ఈగలు మరియు దోమలు ఆ ప్రాంతంలోకి అస్సలు రావు.
3. బిర్యానీ ఆకు పొగ
బిర్యానీ ఆకు కాలినప్పుడు వచ్చే సువాసన మనకు ఆహ్లాదకరంగా ఉంటుంది కానీ కీటకాలకు అది ఒక పవర్ఫుల్ రిపెల్లెంట్గా పనిచేస్తుంది.
ఉపయోగించే విధానం: ఇంట్లో బొద్దింకలు, పురుగులు ఎక్కువగా ఉన్న చోట రెండు లేదా మూడు ఎండిన బిర్యానీ ఆకులను కాల్చి ఆ పొగను ఇల్లంతా చూపిస్తే.. బొద్దింకలు, కీటకాలు క్షణాల్లో ఇల్లు వదిలి పారిపోతాయి.
4. తెల్ల వెనిగర్ మరియు నీరు
కిచెన్ ప్లాట్ఫారమ్పై మరియు గోడల మూలల్లో చీమల లైన్లు ఎక్కువగా ఉంటే వెనిగర్ బెస్ట్ సొల్యూషన్.
ఉపయోగించే విధానం: సమాన భాగాల వెనిగర్ మరియు నీటిని కలిపి చీమలు తిరిగే చోట స్ప్రే చేయాలి. వెనిగర్ లోని అసిడిక్ గుణం వల్ల చీమలు వాటి దారిని మర్చిపోయి అక్కడి నుండి దూరంగా వెళ్లిపోతాయి.
ఈ సులభమైన మరియు తక్కువ ఖర్చుతో కూడిన సహజసిద్ధమైన చిట్కాలను పాటించడం ద్వారా మీ ఇల్లు ఎల్లప్పుడూ క్రిమికీటకాలు లేకుండా పరిశుభ్రంగా ఉంటుంది.
గమనిక:
ఇది కేవలం సమాచారం మాత్రమే. పైన పేర్కొన్న వివరాలు సాధారణ గృహ చిట్కాలు మరియు నిపుణుల అనుభవాల ప్రాతిపదికన అందించబడ్డాయి, దీనికి సంస్థ ఎలాంటి బాధ్యత వహించదు.