వంకాయ నైట్ షేడ్ వృక్ష కుటుంబానికి చెందిన కూరగాయ. సాధారణంగా టమాటాలు, బంగాళాదుంపలు పడని వారు వంకాయ తిన్నప్పుడు కూడా అలర్జీలకు గురయ్యే అవకాశం ఎక్కువగా ఉంటుంది. దీనివల్ల చర్మంపై దద్దుర్లు, దురదలు, తలనొప్పి లేదా కడుపు ఉబ్బరం, గ్యాస్ వంటి జీర్ణ సమస్యలు తలెత్తుతాయి. అలాగే శాస్త్రీయంగా పూర్తి ఆధారాలు లేకపోయినప్పటికీ, నైట్ షేడ్ కూరగాయలు ఆర్థరైటిస్, కీళ్ల నొప్పులతో బాధపడేవారిలో వాపులను, నొప్పులను పెంచుతాయని కొందరు వైద్యులు భావిస్తారు. కాబట్టి వంకాయ తిన్నప్పుడు నొప్పులు పెరుగుతున్నట్లు గమనిస్తే వాటిని మానుకోవడం ఉత్తమం.