బాక్సాఫీస్ వద్ద దురంధర్ ది రివెంజ్ చిత్రం తొలిరోజుల్లో అద్భుతమైన వసూళ్లను సాధించి, సునామీ సృష్టించింది. ఒక దశలో సునాయాసంగా 2000 కోట్ల మైలురాయిని చేరుకుంటుందని అంతా అంచనా వేశారు. అయితే, నెల రోజులకు పైగా బాక్సాఫీస్ వద్ద ఊచకోత కోసిన ఈ చిత్రం రెండో నెలలోకి ప్రవేశించేసరికి వసూళ్ల వేగం తగ్గిపోయింది.ఈ అనూహ్య పతనానికి పలు కారణాలున్నాయని విశ్లేషకులు చెబుతున్నారు. సినిమా నిడివి ఎక్కువగా ఉండటం, యాక్షన్ డోస్ శృతిమించడంతో కుటుంబ ప్రేక్షకులు థియేటర్లకు దూరం అయ్యారు. అంతేకాకుండా, చిత్రాన్ని మళ్లీ మళ్లీ చూడాలనే రిపీట్ వాల్యూ లేకపోవడం కూడా వసూళ్లపై ప్రభావం చూపింది. ఐపీఎల్ మ్యాచ్ల సందడి, ఓటీటీ విడుదల తేదీ దగ్గర పడుతుండటంతో ప్రేక్షకులు థియేటర్లకు రావడం తగ్గించారు. ఈ పరిణామాలు దురంధర్ కలెక్షన్లపై తీవ్ర ప్రభావం చూపుతున్నాయి. దీంతో భారతీయ సినిమా చరిత్రలో నిలిచిపోయిన పుష్ప 2, బాహుబలి 2, దంగల్ వంటి రికార్డులకు ఎలాంటి ముప్పూ లేదని ట్రేడ్ పండిట్స్ అభిప్రాయపడుతున్నారు.