భారతదేశ టెక్నాలజీ రంగంలో లే ఆఫ్స్ మరోసారి చర్చనీయాంశంగా మారాయి. ప్రపంచవ్యాప్తంగా టెక్ సంస్థలు, ఐటీ సేవల కంపెనీలు, స్టార్టప్లు ఉద్యోగులను తగ్గిస్తుండటంతో, ఇది తాత్కాలిక సర్దుబాటా లేక దీర్ఘకాలిక మార్పా అన్న ప్రశ్న ఉత్పన్నమవుతోంది. ఇటీవలి కాలంలో ఒరాకిల్, అమెజాన్, మైక్రోసాఫ్ట్ వంటి గ్లోబల్ దిగ్గజాలు లే ఆఫ్స్ చేపట్టాయి. భారత ఐటీ రంగంలో TCS, Infosys సంస్థల్లో కూడా కొత్త నియామకాల్లో జాప్యం, నిశ్శబ్ద తొలగింపులు వంటి ధోరణులు కనిపిస్తున్నాయి. స్టార్టప్లలో Zepto వంటి సంస్థలు కూడా తమ ఉద్యోగుల సంఖ్యను తగ్గించాయి.
కోవిడ్ అనంతర కాలంలో డిమాండ్ పెరగడంతో కంపెనీలు పెద్ద ఎత్తున నియామకాలు చేపట్టాయి. ప్రస్తుతం ఆ అవసరం తగ్గడంతో, సంస్థలు ఖర్చులను తగ్గించడానికి ఉద్యోగులను తగ్గిస్తున్నాయని విశ్లేషకులు అంటున్నారు. ఇది ఒక సాధారణ వ్యాపార చక్రంలో భాగంగా కూడా భావిస్తున్నారు. ఇదే సమయంలో AI ప్రభావం మరింత స్పష్టమవుతోంది. ఆటోమేషన్ పెరగడం వల్ల పునరావృత పనుల అవసరం తగ్గుతోంది. కంపెనీలు తక్కువ మంది సిబ్బందితో ఎక్కువ ఉత్పాదకత సాధించే దిశగా అడుగులు వేస్తున్నాయి.
నిపుణుల అభిప్రాయం ప్రకారం ఇది కేవలం తాత్కాలిక సర్దుబాటు కాకుండా, ఐటీ రంగం వ్యాపార నమూనాలో పెద్ద మార్పుకు సంకేతం. సంప్రదాయంగా శ్రమ ఆధారిత సేవల నుండి సాఫ్ట్వేర్గా సేవల వైపు మార్పు జరుగుతోంది. జనరేటివ్ AI వర్క్ఫ్లోలను వేగవంతం చేస్తూ, సేవల సరఫరా విధానాన్ని పూర్తిగా మార్చుతోంది. టెక్ రంగంలో ఉద్యోగ కోతలు రెండు ప్రధాన కారణాల కలయికగా కనిపిస్తున్నాయి.తంలో అధిక నియామకాలు,ప్రస్తుతం AI ఆధారిత మార్పులు. భవిష్యత్తులో అధిక నైపుణ్యాలు కలిగిన ఉద్యోగాలకే ఎక్కువ ప్రాధాన్యం ఉండే అవకాశం ఉంది.
మరిన్ని బిజినెస్ వార్తల కోసం ఇక్కడ క్లిక్ చేయండి