రైలులో ప్రయాణిస్తున్నప్పుడు, సుదీర్ఘ ప్రయాణంలో ఆకలి వేయకుండా ఉండేందుకు ప్రజలు తమతో పాటు ఆహార పానీయాలను తీసుకువెళతారు. కానీ, చాలాసార్లు తినేటప్పుడు, తాగేటప్పుడు ప్రజలు ఎంతగా మురికిగా చేస్తారంటే..చూసేవారికి కూడా ఇబ్బందిగా అనిపిస్తుంది. అలాంటి ఒక వీడియో సోషల్ మీడియాలో వేగంగా వైరల్ అవుతోంది. రైలు లోపల చేసిన మురికిని చూసి వినియోగదారులు ఆగ్రహానికి గురై, తీవ్రంగా ఎగతాళి చేస్తున్నారు. రహస్య పేరు గల ఒక ఐడి నుండి సోషల్ మీడియాలో పోస్ట్ చేయబడిన ఈ వీడియోను ఇప్పటివరకు 13 వేల మందికి పైగా చూశారు. ఇంతకీ వీడియోలో ఏముందంటే..
రైలు సీట్ల మధ్యలోనే వంట ముచ్చట్లు:
సోషల్ మీడియాలో వైరల్ అవుతున్న ఒక వీడియోలో రైలు బోగీలో ప్రయాణిస్తున్న ఒక బృందం తాము కూర్చున్న సీట్ల మధ్యలోనే ఉల్లిపాయలు కోయడం ప్రారంభించారు. అంతటితో ఆగకుండా, ఉడికించిన గుడ్లను తెచ్చుకుని వాటి పెంకులను వలుస్తూ కనిపించారు. చుట్టూ ఇంతమంది ప్రయాణికులు ఉన్నారనే విషయాన్ని వారు పూర్తిగా మర్చిపోయి, తమ ఇంట్లోనే ఉన్నట్లుగా చాలా క్యాజువల్గా ఈ పనులు చేయడం వీడియోలో స్పష్టంగా కనిపిస్తోంది.
ఇవి కూడా చదవండి
నెటిజన్ల ఆగ్రహం.. ఎందుకంటే?:
ఈ వీడియో సోషల్ మీడియాలో ప్రత్యక్షం కాగానే నెటిజన్లు సదరు వ్యక్తులపై తీవ్రంగా విరుచుకుపడుతున్నారు. ఉల్లిపాయలు కోసేటప్పుడు వచ్చే ఘాటు కళ్లల్లో నీళ్లు తెప్పిస్తుందని, అలాగే మూసి ఉన్న రైలు కంపార్ట్మెంట్లో ఉడికించిన గుడ్ల నుండి వచ్చే ఒక రకమైన బలమైన వాసన ఇతరులకు ఎంత అసౌకర్యాన్ని కలిగిస్తుందో వారికి తెలియదా అని ప్రశ్నిస్తున్నారు. రైలు అనేది ప్రభుత్వ ఆస్తి అని, అది అందరికీ చెందుతుందని, ఇళ్లలో చేసినట్లు ఇలాంటి పనులు చేయడం అస్సలు సమర్థించదగినది కాదని నెటిజన్లు కామెంట్లు పెడుతున్నారు.
వీడియో ఇక్కడ చూడండి..
రైల్వే రూల్స్ ఏం చెబుతున్నాయి?:
ఈ ఘటనపై రైల్వే ప్రయాణికులు స్పందిస్తూ.. తోటి ప్రయాణికులకు ఇబ్బంది కలిగించే ఏ చర్య అయినా రైల్వే నిబంధనల ప్రకారం తప్పేనని గుర్తు చేస్తున్నారు. రైళ్లలో ప్రయాణించేటప్పుడు ఇతరుల వ్యక్తిగత స్థలాన్ని, సౌకర్యాన్ని గౌరవించడం ప్రతి ఒక్కరి బాధ్యత. ఇలాంటి ప్రవర్తన వల్ల ప్రయాణంలో గొడవలు జరిగే అవకాశం కూడా ఉంటుంది. ప్రస్తుతం ఈ వైరల్ వీడియో సోషల్ మీడియాలో విస్తృతంగా షేర్ అవుతూ, పబ్లిక్ ట్రాన్స్పోర్ట్లో పాటించాల్సిన కనీస నైతిక విలువలపై పెద్ద చర్చకే దారితీసింది.
మరిన్ని ట్రెండింగ్ న్యూస్ కోసం క్లిక్ చేయండి..