చెత్త ప్రదర్శనకు అసలు కారణం గంభీర్.. ఆ ఒక్క మార్పుతో ఒలింపిక్స్ నుంచి టీమిండియా ఔట్..?

Team India Defeat Reasons: టీ20 క్రికెట్ చరిత్రలో ఎన్నడూ లేని విధంగా భారత్ వరుస ఓటములతో కుదేలైంది. ఇంగ్లండ్‌తో జరిగిన నాలుగో టీ20 మ్యాచ్‌లోనూ 9 వికెట్ల తేడాతో ఘోర పరాజయం పాలై సిరీస్‌ను చేజార్చుకుంది. కెప్టెన్ శ్రేయస్ అయ్యర్ ఒంటరి పోరాటం చేసినా, బౌలర్ల వైఫల్యం, ఐపీఎల్ పిచ్‌ల అలవాట్లు జట్టు కొంపముంచాయి.

చారిత్రాత్మక పరాభవం: 3-0తో సిరీస్ ఇంగ్లండ్ వశం..

ఇంగ్లండ్ పర్యటనలో భారత జట్టుకు కోలుకోలేని దెబ్బ తగిలింది. వరుసగా ఆరు అంతర్జాతీయ టీ20 మ్యాచ్‌లలో గెలుపు ఎరుగని టీమిండియా, తాజాగా ఇంగ్లండ్‌తో జరిగిన నాలుగో టి20లోనూ ఘోరంగా ఓడిపోయింది. దీంతో ద్వైపాక్షిక టీ20 సిరీస్‌ను భారత్ కోల్పోవడం ఇదే తొలిసారి. టాస్ గెలిచి మొదట బ్యాటింగ్ చేసిన భారత్ 7 వికెట్ల నష్టానికి కేవలం 158 పరుగులు మాత్రమే చేయగలిగింది. కెప్టెన్ శ్రేయస్ అయ్యర్ 80 పరుగులతో అద్భుత ఒంటరి పోరాటం చేసినప్పటికీ, మిగతా బ్యాటర్ల నుంచి ఎలాంటి మద్దతు లభించలేదు. ఆ తర్వాత 159 పరుగుల లక్ష్యంతో బరిలోకి దిగిన ఇంగ్లండ్, కేవలం 14.1 ఓవర్లలోనే ఒక వికెట్ కోల్పోయి లక్ష్యాన్ని ఊదేశారు. హ్యారీ బ్రూక్, ఫిల్ సాల్ట్ భారత బౌలింగ్‌ను చీల్చిచెండారు. హ్యారీ బ్రూక్ 200కు పైగా స్ట్రైక్ రేట్‌తో విధ్వంసం సృష్టించి మ్యాచ్‌ను ఏకపక్షంగా మార్చేశాడు.

ఇది కూడా చదవండి: గౌతమ్ గంభీర్‌కి గుడ్ బై.. కొత్త కోచ్ రేసులో ముగ్గురు దిగ్గజాలు.. సంచలన నిర్ణయం దిశగా బీసీసీఐ..?

ఐపీఎల్ ఫ్లాట్ ట్రాక్స్ శాపమా..?

భారత బ్యాటర్ల వైఫల్యానికి ప్రధాన కారణం ఐపీఎల్‌లో ఆడే ఫ్లాట్ పిచ్‌లేనని క్రీడా విశ్లేషకులు భావిస్తున్నారు. భారతదేశంలో సిక్సర్లు, ఫోర్ల వర్షం కురిసేలా బ్యాటింగ్‌కు అనుకూలమైన రోడ్ల లాంటి పిచ్‌లను తయారు చేయడం వల్ల బ్యాటర్లు సులువుగా పరుగులు సాధించడానికి అలవాటు పడ్డారు. కానీ ఇంగ్లండ్‌లో జోఫ్రా ఆర్చర్ లాంటి మేటి బౌలర్ల పేస్, బౌన్స్, స్వింగ్‌ను తట్టుకోవడంలో మన యువ ఆటగాళ్లు పూర్తిగా తడబడ్డారు. ఇంగ్లండ్ బౌలర్ జోఫ్రా ఆర్చర్ సైతం మాట్లాడుతూ, అంతర్జాతీయ క్రికెట్‌లో 200 పరుగులు చేయడం చాలా కష్టమని, ఐపీఎల్‌లో లాగా ఇక్కడ ప్రతి మ్యాచ్‌లో భారీ స్కోర్లు సాధ్యం కాదని వ్యాఖ్యానించడం గమనార్హం.

జట్టులో భయానక వాతావరణం.. ఆటగాళ్లలో లేని భరోసా..

కోచ్ గౌతమ్ గంభీర్, కెప్టెన్ శ్రేయస్ అయ్యర్ హయాంలో జట్టులో తీవ్రమైన పోటీ నెలకొంది. అయితే, ఆటగాళ్లకు తమ స్థానంపై నమ్మకం లేకపోవడం జట్టు ప్రదర్శనను దెబ్బతీస్తోంది. సంజూ శాంసన్‌ను ఫామ్ లేదనే కారణంతో పక్కన పెట్టడంతో మిగిలిన యువ ఆటగాళ్లు భయంలో బతుకుతున్నారు. మూడు మ్యాచ్‌లలో విఫలమైతే తమను కూడా జట్టు నుంచి తొలగిస్తారనే భయంతో ఆటగాళ్లు దేశం కోసం కాకుండా తమ స్థానాన్ని కాపాడుకోవడానికి ఆడుతున్నట్లు కనిపిస్తోంది. ముఖ్యంగా 15 ఏళ్ల యువ సంచలనం వైభవ్ సూర్యవంశీ, అభిషేక్ శర్మ లాంటి యువ ప్లేయర్లకు మేనేజ్‌మెంట్ నుంచి పూర్తి భరోసా ఇవ్వాల్సిన అవసరం ఎంతైనా ఉంది.

ఇది కూడా చదవండి: వాడిని వద్దని చెప్పినా అంటగట్టేశారు.. వాని వల్లే సిరీస్ కోల్పోయాం.. శ్రేయాస్ అయ్యర్ షాకింగ్ కామెంట్స్..

ఒలింపిక్స్ అర్హతకు పొంచివున్న ప్రమాదం..

ఈ వరుస ఓటముల వల్ల ఐసీసీ టి20 ర్యాంకింగ్స్‌లో భారత్ తన అగ్రస్థానాన్ని కోల్పోయే ప్రమాదం ఉంది. ఇంగ్లండ్ మరో మ్యాచ్ గెలిస్తే నెంబర్ వన్ స్థానానికి చేరుకుంటుంది. ఆసియా దేశాలలో భారత్ గనుక అగ్రస్థానంలో లేకపోతే, 2028 ఒలింపిక్స్‌కు నేరుగా అర్హత సాధించే అవకాశం కోల్పోతుంది. అప్పుడు పాకిస్తాన్ లేదా ఆఫ్ఘనిస్తాన్ కంటే వెనుకబడితే, భారత్ క్వాలిఫైయర్ మ్యాచ్‌లు ఆడి ఒలింపిక్స్‌కు రావాల్సి ఉంటుంది. జస్‌ప్రీత్ బుమ్రా లేని భారత బౌలింగ్ విభాగం ఎంత బలహీనంగా ఉందో ఈ సిరీస్ స్పష్టం చేసింది. వాషింగ్టన్ సుందర్, అక్షర్ పటేల్ లాంటి ఆల్‌రౌండర్లు కూడా ఆశించిన స్థాయిలో రాణించలేకపోతున్నారు.