మీరు ఎప్పైడైనా ఊటీ వెళ్లారా? వెళితే మాత్రం మెట్టుపాలయం–ఊటీ నీలగిరి ప్యాసింజర్ రైలు ఎక్కడం మాత్రం మిస్ కావొద్దు. ఎందుకంటే ఈ రైలు ప్రపంచంలోనే అత్యంత నెమ్మదిగా నడిచే రైళ్లలో ఒకటి. గంటకు కేవలం 10 కి.మీ వేగంతో నడుస్తుంది. దేశ, వీదేశీ పర్యాటకులు ఈ రైలు ప్రయాణం చేస్తూ ప్రకృతిని ఆస్వాదిస్తుంటారు. ప్రతి సంవత్సరం వేలాది మంది పర్యాటకులు ఈ రైలు ప్రయాణాన్ని ఒకసారి అనుభవించాలని ఊటీకి వస్తారు. ఈ రైలు తమిళనాడులోని మెట్టుపాలయం నుంచి ఊటీ వరకు 46 కి.మీ దూరం ప్రయాణిస్తుంది. ఈ చిన్న దూరాన్ని పూర్తి చేయడానికి దాదాపు 5 గంటల సమయం పడుతుంది. ప్రతి రోజు ఉదయం 7:10 గంటలకు మెట్టుపాలయం నుంచి బయలుదేరి, మధ్యాహ్నం 12 గంటల సమయంలో ఊటీ చేరుతుంది. తిరుగు ప్రయాణం మధ్యాహ్నం 2 గంటలకు ప్రారంభమై, సాయంత్రం 5:30 వరకు మెట్టుపాలయానికి చేరుకుంటుంది. టికెట్లు IRCTC వెబ్సైట్ ద్వారా ఆన్లైన్లో బుక్ చేసుకోవచ్చు. ఈ రైలు నీలగిరి పర్వత ప్రాంతాల గుండా వెళుతుంది. మొత్తం ట్రాక్లో 16 సొరంగాలు, 250 వంతెనలు, 200కుపైగా క్రాసింగ్స్ను దాటుకుంటూ నెమ్మదిగా నడుస్తుంది. నీలగిరి కొండల మధ్యన వెళ్లే ఈ రైలు చెక్క బోగీలలో కూర్చుని కిటికీ బయట చూస్తే పచ్చని అడవులు, టీ తోటలు, జలపాతాలు, లోయల అందాలు కనువిందు చేస్తాయి. రైలు నెమ్మదిగా నడవడం వల్ల ఈ సహజ సౌందర్యాన్ని ప్రశాంతంగా ఆస్వాదించగలుగుతారు. నీలగిరి మౌంటెన్ రైల్వే 2005లో యునెస్కో ప్రపంచ వారసత్వ జాబితాలో చోటు దక్కించుకుంది.
మరిన్ని వీడియోల కోసం ఇక్కడ క్లిక్ చేయండి
Also Watch:
2026 భయానకం.. నోస్ట్రడామస్ జోస్యం
బీచ్లో చిరుతపులి మచ్చల చేప.. దగ్గరకు వెళ్లి చూడగా
ఆ ఊళ్లో సహజీవనం చేస్తే భారీ జరిమానా
ఇదేం చేపరా సామీ.. నెత్తిమీద గ్రిల్స్తో
ఈ ‘చిట్టి’ పక్షులు !! 6,000 కి.మీ వలస వెళ్లాయంటే నమ్ముతారా