శ్రీవారి భక్తులకు – వేలంలో శ్రీవారి వస్త్రాలు
తిరుమల శ్రీవారి వస్త్రాల ఈ-వేలం 2026 | టీటీడీ ఆన్లైన్ ఆక్షన్ పూర్తి వివరాలుhttps://www.tirumala.org/TenderDepartmentDetails.aspx
తిరుమల శ్రీవారి భక్తులకు అరుదైన అవకాశం లభించింది. దశాబ్దాల తర్వాత తొలిసారిగా, తిరుమలతో పాటు టీటీడీ అనుబంధ ఆలయాల్లో స్వామివారికి భక్తులు సమర్పించిన వస్త్రాలను ఆన్లైన్ ఈ-వేలం ద్వారా విక్రయించేందుకు టీటీడీ నిర్ణయం తీసుకుంది.
భక్తులు ఈ వేలం ద్వారా శ్రీవారి ఆశీర్వాదంగా భావించే పట్టు చీరలు, హాఫ్ సారీస్, ఆర్ట్ సిల్క్, ఆర్డినరీ మరియు ఇతర రకాల వస్త్రాలను సొంతం చేసుకునే అవకాశం ఉంది. కొత్తవి మాత్రమే కాకుండా, ఉపయోగించినవి మరియు పాక్షికంగా దెబ్బతిన్న వస్త్రాలను కూడా వేలంలో ఉంచనున్నారు.
వేలం తేదీలు: మార్చి 2 నుండి మార్చి 9 వరకు (మొత్తం వారం రోజులు) ఆన్లైన్ ద్వారా నిర్వహించబడుతుంది.
ఈ-వేలంలో ఎలా పాల్గొనాలి?
ఈ-వేలంలో పాల్గొనాలంటే భక్తులు ఆంధ్రప్రదేశ్ ప్రభుత్వ ఈ-ప్రొక్యూర్మెంట్ (e-Procurement) పోర్టల్లో ముందుగా రిజిస్ట్రేషన్ చేసుకోవాలి. రిజిస్ట్రేషన్ పూర్తి చేసిన తరువాతే ఆన్లైన్ వేలంలో బిడ్ చేయవచ్చు.
మరిన్ని వివరాలు మరియు సందేహాల నివృత్తి కోసం:
-
అధికారిక వెబ్సైట్: www.tirumala.org
-
ఫోన్ నంబర్లు: 0877-2264429 / 9959988470
టీటీడీ స్క్రాప్ క్లియరెన్స్కు చర్యలు
ఎన్నో ఏళ్లుగా పేరుకుపోయిన స్క్రాప్ను తొలగించేందుకు టీటీడీ ప్రత్యేక చర్యలు ప్రారంభించింది. అన్ని విభాగాల అధికారులు 15 రోజుల్లో స్క్రాప్ వివరాలను సమర్పించాలని ఆదేశించారు. ఈ నివేదికల ఆధారంగా స్క్రాప్ను కూడా ఆన్లైన్ వేలం ద్వారా విక్రయించేలా ప్రణాళిక రూపొందిస్తున్నారు.
ఇటీవల టీటీడీ ఏఈవో వెంకయ్య చౌదరి అధికారులతో సమీక్ష సమావేశం నిర్వహించి, స్క్రాప్కు సంబంధించిన పూర్తి సమాచారం అందించాలని స్పష్టమైన ఆదేశాలు జారీ చేశారు. దీని ద్వారా పారదర్శకతతో కూడిన వ్యవస్థను అమలు చేయాలనే లక్ష్యంతో టీటీడీ ముందుకు సాగుతోంది.
భక్తుల అభిప్రాయ సేకరణకు ప్రాధాన్యం
టీటీడీ అందిస్తున్న సేవలపై భక్తుల అభిప్రాయాలను సేకరించేందుకు ప్రత్యేక కార్యక్రమం చేపట్టింది.
-
దర్శన వ్యవస్థ
-
రవాణా సౌకర్యాలు
-
అన్నప్రసాదం
-
పారిశుద్ధ్య సేవలు
ఇవన్నీ గురించి భక్తుల నుంచి ఫీడ్బ్యాక్ తీసుకుంటోంది. ఈ అభిప్రాయాల ఆధారంగా సేవలను మరింత మెరుగుపర్చేందుకు చర్యలు చేపడుతోంది.https://www.tirumala.org/TenderDepartmentDetails.aspx
భక్తుల సూచనలతో తిరుమలలో సేవల నాణ్యత మరింతగా పెరిగిందని అధికారులు వెల్లడించారు. భవిష్యత్తులో కూడా నిరంతర అభిప్రాయ సేకరణ కొనసాగిస్తామని తెలిపారు.