టాలీవుడ్ నటి తల్లూరి రామేశ్వరి గతంలో ఇచ్చిన ఓ ఇంటర్వ్యూలో సినిమా ఇండస్ట్రీలోని ప్రముఖ వ్యక్తుల గురించి, తన వ్యక్తిగత అనుబంధాల గురించి ఆసక్తికరమైన విషయాలను పంచుకున్నారు. ప్రముఖ నిర్మాత బోనీ కపూర్ కుటుంబంతో తనకు ఉన్న అనుబంధాన్ని ఆమె గుర్తుచేసుకున్నారు. బోనీ కపూర్ తండ్రి సురేంద్ర కపూర్ తనను సొంత కుమార్తెలా చూసుకునేవారని, అలాగే బోనీ మొదటి భార్య మోనా కపూర్తో కూడా తనకు మంచి పరిచయం ఉండేదని ఆమె తెలిపారు.
ఇది చదవండి: నేను, రజినీకాంత్ బెస్ట్ ఫ్రెండ్స్.. ‘వాడు’ అనేంత చనువు ఉంది.. టాలీవుడ్ నటుడు
శ్రీదేవి మరణం తర్వాత బోనీ కపూర్పై వచ్చిన ఆరోపణల గురించి స్పందిస్తూ.. అవి చాలా అన్యాయమని ఆమె అభిప్రాయపడ్డారు. అత్యంత ప్రేమించిన వ్యక్తిని కోల్పోయిన సమయంలో ఇలాంటి నిరాధారమైన మాటలు అనడం సరికాదని, తాను ఎప్పుడూ మనుషుల్లోని మంచిని మాత్రమే చూడటానికి ఇష్టపడతానని స్పష్టం చేశారు. ఇక నటన విషయానికి వస్తే, శ్రీదేవి, వాణిశ్రీల శైలిపై రామేశ్వరి తనదైన విశ్లేషణ ఇచ్చారు. శ్రీదేవి అద్భుతమైన నటి, డ్యాన్సర్ అయినప్పటికీ, ఆమె నటన కొంత “ప్రోగ్రామ్డ్”గా అనిపించేదని రామేశ్వరి పేర్కొన్నారు. అంటే, ఏ హావభావం ఎప్పుడు ఎలా పలకాలి అనేది ముందుగానే నిర్ణయించుకున్నట్లుగా ఉండటం వల్ల, వ్యక్తిగతంగా తాను శ్రీదేవి నటనతో పూర్తిగా కనెక్ట్ కాలేకపోయానని వివరించారు.
దీనికి పూర్తి భిన్నంగా వాణిశ్రీ నటనను ఆమె ప్రశంసించారు. వాణిశ్రీ నటన ఎంతో సహజంగా, ఎఫర్ట్లెస్గా ఉండేదని కొనియాడారు. సాధారణమైన జడ, చిన్న చెవిపువ్వులు, పెద్ద ముక్కు వంటి సాదాసీదా లక్షణాలతో కూడా ఆమె ఎంతో అందంగా కనిపించేవారని, ఆ రకమైన సరళతను శ్రీదేవి తన పాత్రల్లో ప్రదర్శించలేకపోయారని రామేశ్వరి అభిప్రాయపడ్డారు.
ఇది చదవండి: అన్నగారు చనిపోయిన చివరి రోజు జరిగిందిదే.. షాకింగ్ నిజం చెప్పిన సీనియర్ ఎన్టీఆర్ చీఫ్ సెక్యూరిటీ ఆఫీసర్