నటుడు బాలాజీ, నటి రోహిణి, దివంగత నటుడు రఘువరన్ వ్యక్తిగత జీవితం, వారి బంధం విడిపోవడంపై ఓ ఇంటర్వ్యూలో తన అభిప్రాయాలను పంచుకున్నారు. ఒక్కోసారి నిజం గట్టిగా చెప్పాల్సి వస్తుందని, అది మనిషిని హర్ట్ చేసినా, పది సంవత్సరాల తర్వాత జీవితం ఎలా ఉంటుందో చెప్పగలదని ఆయన అన్నారు. అయితే, చాలామంది ఆ వాస్తవాన్ని స్వీకరించలేరని ఆయన పేర్కొన్నారు. తాను ఎప్పుడూ బంధాలను కలపడానికి ప్రయత్నిస్తానని బాలాజీ వెల్లడించారు. దారాన్ని ఒక్క నిమిషంలో తెంపడం చాలా సులువు అని, కానీ దాన్ని తిరిగి అతికించడం బ్రహ్మదేవుడి వల్ల కూడా కాదని ఆయన దృష్టాంతం చెప్పారు. బంధాలు తెగిపోయే వరకు ఎందుకు తెచ్చుకోవాలని, తెగుతుంది అనుకున్నప్పుడు సామరస్యంగా జాగ్రత్త చేసుకోవాలని ఆయన సూచించారు. రోహిణి-రఘువరన్ విడిపోవడానికి రఘువరన్ డ్రగ్ ఎడిక్షన్ ఒక్కటే కారణమా అనే ప్రశ్నకు బాలాజీ నేరుగా సమాధానం ఇవ్వలేదు. ఆ విషయాన్ని ఆఫ్-కెమెరాలో రోహిణిని అడగాలని సూచించారు, ఎందుకంటే తాను ఎప్పుడూ బంధాలను కలపడానికే చూస్తానని స్పష్టం చేశారు.
ఆడదానికున్న బాధ్యత, బలం, గౌరవం, ఆప్యాయత, పరితాపం ఆడవాళ్లకే ఉంటాయని బాలాజీ అన్నారు. వారే ఆలోచించి, బంధాలను నిలబెట్టుకోవడానికి సిద్ధపడితే సంతోషమని ఆయన చెప్పారు. డబ్బులు వస్తాయి, పోతాయి కానీ, ఒక మనిషిని నిలబెట్టడం, ఒక మనిషితో నడవడం, ఆ మనిషి బిహేవియర్ అటూ ఇటూ ఉన్నా, దాన్ని బ్యాలెన్స్ చేసుకుంటూ వెళ్లడం స్త్రీ దీంట్లోనే ఉంటుందని ఆయన అభిప్రాయపడ్డారు. ప్రస్తుతం చాలా మంది సింగిల్ పేరెంట్స్, ముఖ్యంగా తల్లులు తమ పిల్లలను ఒంటరిగా చూసుకుంటున్నారని బాలాజీ గమనించారు. వారి పరిస్థితి గురించి తాను ఎందుకు, దేనికి అలా జరిగిందని అడగనని, అది ఇరువైపులా కారణాలు ఉండొచ్చని, కేవలం ఒకరిదే తప్పు అనడం కూడా తప్పే అని ఆయన అన్నారు.
రోహిణి, రఘువరన్లను గతంలో తాను కలిపిన రోజులు ఉన్నాయని బాలాజీ గుర్తు చేసుకున్నారు. అప్పట్లో వారు తిరుపతికి వెళ్లి గుండు చేయించుకుని, ఇక నుంచి సంతోషంగా ఉంటామని చెప్పారని ఆయన తెలిపారు. అయితే, ఆ ఆల్ ఆఫ్ సడన్ పరిణామాలు తమ చేతుల్లో లేవని ఆయన అన్నారు. రోహిణి వ్యక్తిత్వం గురించి ప్రస్తావిస్తూ, ఆమె సినిమాలలో ఉన్నట్టే నిజ జీవితంలో కూడా చాలా స్ట్రాంగ్, బోల్డ్ అని బాలాజీ చెప్పారు. ఆమె ఏది వచ్చినా తట్టుకోగలదని, దేన్నైనా చాలా రిసీవ్ చేసుకుంటుందని ఆయన ప్రశంసించారు. ఒక వ్యక్తిగా రోహిణిపై తనకు చాలా గౌరవం ఉందని, బయట కొన్ని ప్రదేశాలలో ఆమెను చూశానని బాలాజీ తెలిపారు. తన తండ్రి తమకు చాలా విషయాలు నేర్పించారని, తాము ఎక్కడా కూడా ఏమీ లేమి అనుకోలేదని బాలాజీ అన్నారు.
ఎక్కువ మంది చదివినవి : Cinema OTT: సైకో భర్తతో కన్నీళ్ల కాపురం.. భార్యతో బలవంతపు శృంగారం.. ఓటీటీలో ట్రెండ్ అవుతున్న సినిమా..