ఆల్కహాల్ ప్రియులు వివిధ రకాల ఆల్కహాల్ బ్రాండ్లను తాగేందుకు ఇష్టపడతారు. ఇందులో కొన్ని ఆల్కహాల్లు చాలా ఖరీదైనవి. కొన్ని ఆల్కహాల్లు రుచిగా కూడా ఉంటాయి. అయితే వీటిల్లో ఆల్కహాల్ శాతం ఒక్కోదానిలో ఒక్కోలా ఉంటుంది. ముఖ్యంగా బీరులో దాదాపు 4 నుండి 8 శాతం ఆల్కహాల్ ఉంటుంది. మిగిలిన రకాల ఆల్కహాల్లలో 40 శాతం వరకు ఆల్కహాల్ ఉంటుంది.
మన దేశంలో 50 శాతం కంటే ఎక్కువ ఆల్కహాల్ ఉన్న మద్యం ఊహించడం కష్టం. ఎందుకంటే 50 శాతం కంటే ఎక్కువ ఆల్కహాల్ ఉన్న మద్యం త్వరగా మత్తును కలిగిస్తుంది. కానీ ప్రపంచంలో ఇలాంటి కొన్ని మద్యం బ్రాండ్లు ఉన్నాయి. వాటిలో చాలా ఎక్కువ ఆల్కహాల్ కంటెంట్ ఉంటుంది.
కొన్ని బ్రాండ్ల ఆల్కహాల్లో అధిక ఆల్కహాల్ కంటెంట్ ఉంటుంది. ఎంతగా అంటే కేవలం ఒక క్యాప్ ఫుల్ తాగితే ఏకంగా మరణం సైతం సంభవిస్తుంది. అటువంటి ఆల్కహాల్ విషయంలో చాలా జాగ్రత్తగా ఉండాలి. అధిక ఆల్కహాల్ కంటెంట్ ఉన్న ఈ బ్రాండ్లు ప్రయాణ సమయంలో తాగడం చాలా ప్రమాదకరమని నిపుణులు హెచ్చరిస్తున్నారు.
ముఖ్యంగా ఎవర్క్లియర్ 190 మద్యం బ్రాండ్. ఇది అమెరికన్ మద్యం. ఇందులో 95 శాతం కంటే ఎక్కువ ఆల్కహాల్ ఉంటుంది. ఈ మద్యం చాలా ప్రమాదకరమైనది. అమెరికాలోని కొన్ని రాష్ట్రాల్లో దీనిని నిషేధించారు. ఈ మద్యం బాటిల్ను నిప్పుకి దూరంగా ఉంచాలి. లేదంటే అవి పేలిపోయి అగ్నిప్రమాదానికి దారి తీసే అవకాశం ఉంది.
బ్రూచ్లాడిచ్ X4 క్వాడ్రపుల్డ్ అనే విస్కీలో మొత్తం ఆల్కహాల్ శాతం 92 శాతం ఉంటుంది. ఈ విస్కీని తయారు చేసేటప్పుడు దీనిని నాలుగు సార్లు స్వేదనం చేస్తారు. ఇది స్టాంగ్ సింగిల్ మాల్ట్ విస్కీ. దీనిని అధిక ఆల్కహాల్ పానీయాలు, జ్యూస్లు, నీరు మొదలైన వాటితో తాగాలని చెబుతారు.