మేషం: కొత్త సంవత్సర పంచాంగం ప్రకారం ఈ రాశికి ఈ ఏడాది ఆదాయం 11, వ్యయం 5. దీని ప్రకారం ఈ రాశివారికి కొత్త సంవత్సరమంతా ఆర్థికంగా ఒడిదుడుకులు లేకుండా గడిచిపోయే అవకాశం ఉంది. ఉద్యోగంలో జీతభత్యాలు బాగా పెరుగుతాయి. వృత్తి, వ్యాపారాల్లో రాబడి అంచనాలను మించుతుంది. షేర్లు, స్పెక్యులేషన్లు, అదనపు ఆదాయ మార్గాల ద్వారా కూడా ఆదాయం బాగా వృద్ధి చెందుతుంది. డబ్బు ఇవ్వడం, తీసుకోవడం వంటి వాటికి దూరంగా ఉండడం మంచిది.
సింహం: ఉగాది పంచాంగం ప్రకారం ఈ రాశికి ఆదాయం 5, వ్యయం 5. వీరికి ఈ ఏడాదంతా సంపాదించింది సంపాదించినట్టు ఖర్చయిపోతుంది. ఉద్యోగంలో జీతభత్యాలు, వృత్తి, వ్యాపారాల్లో రాబడి, షేర్లు, స్పెక్యులేషన్లు, ఆర్థిక లావాదేవీల వల్ల ఆదాయం బాగా పెరుగుతుంది కానీ, పెళ్లి, గృహ నిర్మాణం, స్థలాల కొనుగోలు వంటి వాటి మీద బాగా పెట్టుబడి పెట్టడం జరుగుతుంది. ఆరోగ్యాన్ని మెరుచు పరచుకోవడం మీద కూడా ఖర్చు పెరుగుతుంది. ఈ ఏడాదంతా సంతృప్తికరంగా సాగిపోతుంది.
వృశ్చికం: ఈ రాశికి ఈ ఏడాది ఆదాయం 11, వ్యయం 5 అయినందువల్ల ఈ రాశివారు ఆదాయం గడించడంతో పాటు, పొదుపు చర్యలు పాటించడం, మదుపులు, పెట్టుబడులు పెట్టడం కూడా భారీ స్థాయిలో సాగే అవకాశం ఉంది. ఈ రాశివారికి ఈ ఏడాది అదనపు ఆదాయ ప్రయత్నాలు అంచ నాలకు మించిన సత్ఫలితాలనిస్తాయి. ముఖ్యమైన అవసరాలు తీరిపోవడం, ఆర్థిక, వ్యక్తిగత సమస్యలు పరిష్కారం కావడం, షేర్లు, స్పెక్యులేషన్లు బాగా లాభించడం వంటివి ఖాయంగా జరుగుతాయి.
ధనుస్సు: ఈ రాశికి ఈ ఏడాది ఆదాయం 14, వ్యయం 11 అయినందువల్ల అనేక మార్గాల్లో ఆదాయం వృద్ధి చెందడానికి బాగాఅవకాశం ఉంది. గృహ, వాహన సౌకర్యాలను ఏర్పాటు చేసుకుంటారు. ఇంట్లో శుభకార్యాల మీద వ్యయం ఎక్కువయ్యే అవకాశం ఉంది. ఆస్తుల మీదా, అద్దెల రూపేణా కూడా ఆదాయం పెరుగుతుంది. ఆకస్మిక ధన లాభానికి కూడా అవకాశం ఉంది. పిత్రార్జితం, వారసత్వ సంపద వంటివి చేతికి అందుతాయి. వైద్య ఖర్చులు తగ్గి, కుటుంబ ఖర్చులు బాగా పెరుగుతాయి.