పచ్చి కూరగాయలతో హాల్వా చేసుకుని తింటే రుచిగా ఉండటమే కాకుండా ఆరోగ్యంగా కూడా ఉంటారు. అయితే, దీనిని సరైన కొలతలతో చేస్తే తినడానికి చాలా బావుంటుంది. మరి, ఇంకెందుకు లేట్ దీనికి కావాల్సిన పదార్ధాలు, తయారీ విధానం గురించి ఇక్కడ తెలుసుకుందాం..
కావాల్సిన పదార్ధాలు: పచ్చి కూరగాయలు బీట్రూట్, బొప్పాయి, క్యారెట్, సొరకాయ, ఇలా ఆరోగ్యానికి మేలు చేసేవి నాలుగు రకాలు తీసుకోండి. పాలు, పంచదార, యాలకుల పొడి, జీడిపప్పు, బాదం, కిస్ మిస్ లు తీసుకోవాలి. అయితే హల్వాను తక్కువ నెయ్యితో తయారు చేసుకుంటే మంచిది.
హల్వా ను ఎలా తయారు చేసుకోవాలంటే? ముందుగా మీరు తీసుకున్న కూరగాయలను బాగా కడిగి, దాని మీద ఉన్న పొట్టు తీసి, వాటిని సన్నగా తురుముకుని ఒక ప్లేట్ లో పెట్టుకోవాలి.
ఇక ఇప్పుడు గ్యాస్ పొయ్యి వెలిగించి ఒక పాన్లో నెయ్యి వేసి అది వేడయ్యాక దానిలో తురిమిన వెజిటల్స్ ను వేసి అది పచ్చి వాసన పొయ్యే వరకు15 నుంచి 20 నిముషాల పాటు మీడియం మంట పై బాగా వేయించాలి.
ఆ తర్వాత దానిలో ఒక గ్లాస్ పాలు పోసి, కూరగాయలు అన్ని మెత్తబడే వరకు స్టవ్ మీదే ఉంచి బాగా ఉడికించాలి. పంచదార కూడా వేసి బాగా వేయించాలి. అది కరిగిపోయిన తర్వాత కొద్దిగా యాలకుల పొడి, డ్రై ఫ్రూట్స్ కూడా వేసి గరిటెతో ఒకసారి తిప్పుకోవాలి. అంతే, హెల్తీ పచ్చి కూరగాయాల స్వీట్ హల్వా రెడీ.