కావాల్సిన పదార్థాలు: రెండు బీరకాయలు, ఒక కప్పు పెరుగు, పది పచ్చిమిర్చి, 5 వెల్లుల్లి రెబ్బలు, రుచికి సరిపడా ఉప్పు, ఒక టేబుల్ స్పూన్ నూనె, అర టీ స్పూన్ ఆవాలు, అర టీ స్పూన్ జీలకర్ర,అర టీ స్పూన్ పసుపు, ఒక టేబుల్ స్పూన్ మినప్పప్పు, నాలుగు ఎండుమిర్చి, కరివేపాకు ఆకులు తీసుకోవాలి.
ముందుగా బీరకాయలను తీసుకుని బాగా కడిగి వాటిని చిన్న ముక్కలుగా కట్ చేసుకుని ఒక గిన్నెలోకి లోకి తీసుకోవాలి. ఆ తర్వాత వీటిని నీటిలో బాగా ఉడికించాలి. బాగా చల్లారిన తర్వాత వడకట్టి పక్కన పెట్టాలి.
ఇక ఇప్పుడు మిక్సీ లో కానీ, రోటిలో కానీ పచ్చిమిర్చి, నాలుగు వెల్లుల్లి రెబ్బలు , ఉప్పును కూడా మెత్తగా అయ్యేవరకు పట్టుకోవాలి.
ఇప్పుడు బీరకాయ ముక్కలు కూడా వాటిలో వేసి ఒక ముద్దలా చేసుకుని పక్కన పెట్టుకోవాలి.
ఇక చివర్లో పెరుగును కూడా వేసి బాగా కలపాలి. పాన్లో ఆయిల్ వేసి అది వేడయ్యాక కొద్దిగా ఆవాలు, అర టీ స్పూన్ జీలకర్ర, ఒక కప్పు మినప్పప్పు , కరివేపాకు ఆకులు కూడా వేసి వాటిని బాగా వేయించాలి.
ఈ పోపును తీసుకుని పచ్చడి దానిలో వేసి మిక్స్ అయ్యేలా కలుపుకోవాలి. దీనిని వేడి వేడి అన్నంలో తింటే టేస్టీగా ఉంటుంది.
ఇంకా ఈ పెరుగు పచ్చడిని పప్పుతో తింటే రుచిగా ఉంటుంది.